Hudas 1:8 - Manobo Western Bukidnon

⁸ Ne iring din ded daan haazà is menge etew he ebpenurù te tarù diyan te keniyu. Edtumanen dan is meremerik he ulaula he egkeg̵iyen dan he impenurù kandan pinaag̵i te teg̵einep. Kenè dan ebpesakup te Megbevayà ne edsumpeliten dan is menge kedesenan diyà te langit.

Hudas 1:8 Кръстосани препратки

Lucas 11:25

Ne edlikù ne egkeehè din haazà is neubpaan din he midtines en is menge vutang dutun, ne nepurung melumpiyuwi.

Lucas 12:11

Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Lucas 19:14

Iyan, is menge meg̵inged dutun te inged te prinsipi, ne ingkeepes dan sikandin, ne hein migenat en, duen midsug̵ù dan he ibpetelukun kandin wey zan ikepesayud is lavew he hadì dutun te ebeyaan te prinsipi he kenè dan igkesuat he iyan mekehadì kandan haazà is prinsipi.

Nengeulaula 23:5

Ne midtavak si Pablo te, “Wazà a mesayud he iyan sikandin lavew he memumuhat. Su netuenan ku is migkag̵i te insurat he Lalag te Megbevayà he, ‘Kenè niw insultuwi is edumala keniyu.’ ”

Nengeulaula 7:27

Iyan, haazà is nekesalà te zuma zin, kenà ebpemineg; intukù din si Moises, ne ke sikandin te, ‘Hentei is mibeg̵ey kenikew te keg̵ehem te kedatùdatù kenami?

Nengeulaula 7:39

Ne wazà tumana te menge kepuun tew is ibpeulaula ni Moises kandan. Ne kenè dan egkesuatan he pengulu zan sikandin. Ne neisip dan he meupiya ke edlikù dan diyà te Ihiptu.

1 Kurintu 3:17

Ne ke zuen etew he edèdeetan din is ed-ubpaan te Megbevayà, edsilutan sikandin te Megbevayà su mahal ziyà te Megbevayà is menge etew he iyan ed-ubpaan din. Ne iyan kew ed-ubpaan din.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.

1 Timoteo 1:10

menge egkevut te kenè dan esawa, menge maama he egkeerig̵an te iring dan he maama, menge menggeg̵ebpà, menge teruen, menge ebpen-ulug te kewsa wey is minsan hentei he ebpekesupak is ulaula zin te hustu he tuluuwen.

Hibriyuhanen 13:17

Tumana niw is sug̵ù te menge egalen niw te menge tumutuu ne ipeehè niw is kedtehuza niw kandan su iyan sikandan ed-elima keniyu te edtuu, ne zuen timpu keuzemà he edsusiyen te Megbevayà ke metinumanen dan be is ed-elima keniyu. Emun ebpemineg̵en niw is sug̵ù dan, utew ibmeupiya te g̵ehinawa zan is baal zan. Ne emun kenè kew ebpemineg, utew mereg̵en is baal zan ne egkehimu zaan heini he idlised niw.

1 Pedro 2:17

Edtehuzen tew is langun he menge etew; ebmahalen tew is langun he menge suled tew te kedtuu. Igkehandek ta is ked-ulaula te kenà egkesuatan te Megbevayà; edtehuzen ta is keg̵ehem te lavew he hadì.