Hudas 1:5 - Manobo Western Bukidnon

⁵ Netuenan niw en is egkeg̵iyen ku, iyan, ed-umanan ku pa egkeg̵iya ziyan te keniyu wey niw kenà melipati. Dengan midlibri te Megbevayà is menge pinilì din he etew ne impeg̵uwè din sikandan diyà te g̵inhedian he Ihiptu, iyan, dutun te nekeg̵uwè dan en, mibpenhimetayan din is duma kandan he wazà medsarig kandin.

Hudas 1:5 Кръстосани препратки

Ruma 15:15

Ne minsan pa te iyan heini, kayi te surat ku kenà a egkelenew he edsambag keniyu su zuen mezakel he impenurù keniyu he kenè ku egkesuatan he melipati niw. Umba kenà a egkelenew su mibeg̵ayan a te Megbevayà te keg̵ehem

Hibriyuhanen 3:16

Ne hentei heini is menge etew he minsan nezineg dan is Lalag te Megbevayà midsukulan dan gihapun sikandin? Iyan sikandan sikan is menge etew he kevuwazan ni Israyil he mid-uwit ni Moises puun diyà te tanà he Ihiptu.

2 Pedro 3:1

Minahal he menge suled ku, ikezuwa en heini te kebpesurati ku keniyu. Iyan tuyù ku kayi te kezezuwa ku kebpesurati keniyu is: wey kew mekeisip te hustu pinaag̵i kayi te menge sambag ku keniyu.

1 Juan 2:20

Sikiyu mulà, mibpeulinan kew ni Kristu te Wag̵as he Mulin-ulin ne tenged dutun nesavut niw te langun is tutuu he tuluuwen.

1 Juan 2:21

Kenè ku iyan ibpesurati keniyu is tenged te wazè niw mesavut ke hengkey is tutuu he tuluuwen, kekenà, tenged te nesavut niw en wey tenged te wazà minsan hengkey he tarù he ziyà ebpuun te tutuu he tuluuwen.