Hudas 1:25 - Manobo Western Bukidnon

²⁵ Edelig̵en tew sikandin su iyan dà sikandin Megbevayà; iyan sikandin Menluluwas tew pinaag̵i te Nengazen tew he si Jesu Kristu. Iyan sikandin egkevantug; iyan sikandin hadì; iyan sikandin mekeg̵eg̵ehem; iyan sikandin ebayàbayà dengan te wazè pa limbag̵a is minsan hengkey, wey g̵untaan, wey keuzemà te wazà pidtemanan.

Hudas 1:25 Кръстосани препратки

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Lucas 1:47

Utew ku ingkelipey is Megbevayà he iyan menluluwas ku.

Juan 4:22

Sikiyu is menge tigSemarya, kenè niw egketuenan ke hentei is ed-ezapen niw, ne sikami is menge Hudiyu, netuenan dey mulà ke hentei is ed-ezapen dey su pinaag̵i kenami te menge Hudiyu edlibriyen te Megbevayà is menusiyà.

Juan 5:44

Egkemenumenu is hustu he kebpeketuu niw emun ebpengahaan niw te kada sevaha is kegkezelig̵i keniyu te menge zuma niw, ne is kegkezelig̵i pezem keniyu te sebsevaha zà he Megbevayà, kenè niw egkesuatan?

Ruma 11:33

Utew zekelà is gag̵ew te Megbevayà; kenà egketegkad is ketau zin wey kedsavut din. Kenà egkesavut te etew is menge ulaula zin ne kenà egkeseysey te minsan hentei is ed-ul-ulahan din.

Ruma 11:36

Iyan sikandin sikan is nenlimbag te minsan hengkey; ne iyan sikandin ed-uwit te minsan hengkey he linimbag, ne pinaag̵i zaan te minsan hengkey he linimbag edelig̵en sikandin. Berakat he zelig̵a is Megbevayà te wazè pidtemanan.

Ruma 16:27

Is sebsevaha zà he Megbevayà he iyan dà nesayud te minsan hengkey, berakat he wazà pidtemanan te kedelig̵a kandin pinaag̵i ki Jesu Kristu.

Ipisu 1:8

Kenà pinaag̵i te sukud is kegkeg̵eg̵awi zin kenitew, kekenà, utew subra is gag̵ew zin kenita. Ne imbeg̵ey zin daan kenita is kedsavut wey ketau su wey tew metueni ke hengkey is paag̵i zin.

Ipisu 3:10

Umba wazà heini zengan ipezayag su wey g̵untaan pinaag̵i zà te menge tumutuu ki Jesus, ibpaahà te Megbevayà diyà te menge kedesenan wey menge egalen diyà te langit ke hengkey kezekelà is ketau zin he wazè med-iring-iring.

Ipisu 3:21

Berakat he zelig̵a sikandin pinaag̵i kenitew te langun he menge tumutuu zin wey pinaag̵i ki Jesu Kristu g̵untaan he timpu wey te wazè din pidtemanan.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

1 Timoteo 2:3

Umba idhangyù ku heini su meupiya is ked-ampù he iring kayi. Iyan heini igkesuat te Megbevayà he Menluluwas tew

Tito 2:10

ne kenè dan mebpenakew, kekenà, ipeehè dan he egkeserig̵an sikandan te egalen dan. Emun iyan haazà ulaula te menge sulug̵uen he tumutuu egkesavut te menge etew he utew tutuu is tuluuwen he ibpenurù ta mehitenged te Megbevayà he iyan menluluwas tew.

Tito 2:13

Su zuen edteg̵azan ta he andew he zutun ibpeg̵awag̵awa is lavew he Megbevayà he iyan Menluluwas tew he si Jesu Kristu he utew zekelà is gehem din. Iyan sikandin ebperetengen ta.

Tito 3:4

Ne is Megbevayà he Menluluwas tew, hein neuma is timpu te kebpaahaa zin kenita te gag̵ew zin wey ketulanged din,

Hibriyuhanen 13:8

Su si Jesu Kristu, ne kenà egkehalin. Iyan ded sikandin gihapun dengan, wey g̵untaan, wey keuzemà te wazè din pidtemanan.

1 Pedro 4:11

Sikita is edwali, kinahanglan he is kedwali ta, ne utew hustu he iring te iyan en edwali is Megbevayà. Sikita is edtavang, ne kinahanglan he kenè ta edlipatan he is idtavang ta, ne ziyà ebpuun te Megbevayà su wey pinaag̵i te g̵ehem ni Jesu Kristu iyan mevantug is Megbevayà te minsan keenu su iyan dait he edelig̵en wey zait he ebayàbayà te wazà pidtemanan.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.

Impezayag 1:6

Midhimu zin he iyan kiw edhedian din wey iyan kiw memumuhat he iyan kebpemuhat tew is ked-ezapa tew te Megbevayà he Amey zin. Tehuza sikandin wey medhadì sikandin te wazà pidtemanan!