Hudas 1:24 - Manobo Western Bukidnon

²⁴ Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.

Hudas 1:24 Кръстосани препратки

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 5:12

Iyan daan heini kes mid-ulaula te menge etew zengan diyà te menge ebpeneuven te Megbevayà. Medlipey kew utew su utew zekelà is idsuhul keniyu keuzemà diyà te langit.

Lucas 9:26

Is minsan hentei he igkeeled e zin wey igkeeled din is ibpenurù ku, siak is Kakey te Menusiyà, igkeeled ku zaan sikandin keuzemà ke edlikù a he zekelà is gehem te ked-anlag ku wey edsun-uzan ad te mekeg̵eg̵ehem he anlag te Amey ku he Megbevayà wey te anlag te menge velinsug̵uen te Megbevayà.

Ruma 14:4

Kenà egkehimu he edsusiyen ta is menge ulaula te sulug̵uen te sengeeetew en su haazà is egalen din, iyan edsusi kandin ke netuman din en be is ebpeveelan kandin wey ke wazà. Ne iring din ded daan, kenà egkehimu he edsusiyen ta is menge ulaula te zuma ta he tumutuu su iyan edsusi kandin is Megbevayà. Siguradu he egketuman din is ebpeveelan kandin te Megbevayà su edtavang kandin is Megbevayà.

Ruma 8:31

Ne emun ed-isipen ta is langun kayi, egketuenan ta he tutuu iyan he iyan duma ta is Megbevayà ne wazà minsan hentei he ebpekekaid kenita.

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.

2 Kurintu 4:14

Su netuenan dey he is Megbevayà he mibanhew te Nengazen tew he si Jesus, ebenhawen key zin daan keuzemà tenged te kebpekidsevaha zey ki Jesus ne edtulusen key zin wey key meketampu keniyu ne egkehimu kiw pudu he menge zuma zin diyà te langit.

2 Kurintu 4:17

Ne heini is menge kemeresayan he egkeantus dey g̵untaan, ne meg̵aan dà utew, iyan, tenged te ked-antus dey kayi zuen egkeperateng dey he utew zekelà he kegkelavew he ibeg̵ey kenitew keuzemà. Ne kenà ebpekesusuluwan is kemeresayan he egkeantus dey kayi te utew zekelà he wazè din pidtemanan he kegkelavew.

Ipisu 3:20

Edelig̵en tew is Megbevayà su, pinaag̵i te zekelà he g̵ehem din he impelumun din dini te kenitew, utew zekelà is egkehimu zin su lavew pa is egkehimu zin, kenà te minsan hengkey he egkeisip ta he ebuyuen.

Ipisu 5:27

Elin daan idhimuwa zin kayi su wey kiw zin mezawat he esawa zin. Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

Kulusas 1:22

Ne minsan pa te iyan haazà, midhimu kew g̵untaan te Megbevayà he menge emig̵u zin pinaag̵i te kebpatey ni Kristu. Umba mibpehimatey si Kristu su wey kew mehimu he menge etew he wazà mezaat he ulaula ne wazà igkesumbunga keniyu keuzemà emun ibpeetuvang kew zin diyà te Amey zin he Megbevayà.

Kulusas 1:28

Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

Kulusas 3:4

Umba, menge suled, emun edlikù dini si Kristu he iyan puunà te veg̵u he untung ta, ibpeg̵awag̵awa is kekempet din ne ibpeg̵awag̵awa zaan dutun is kekempet te kenita he veg̵u he untung su zutun duma ki kandin.

2 Timoteo 4:18

Ne kenà dutun dà taman su edlibriyen e pa te Nengazen te minsan hengkey he ebpekekaid kedì ne edlig-enan e zin taman te ed-uwiten e zin dutun te g̵inhedian din diyà te langit. Berakat he zelig̵a sikandin te wazà pidtemanan.

Santiago 2:10

Su minsan ke sevaha zà duen te menge sug̵ù te kesug̵uan is egkesupak te etew, ed-isipen gihapun te Megbevayà he mesinupaken sikandin he iring te nesupak din is langun he menge sug̵ù.

1 Pedro 4:13

Kenè kew meinuinu, kekenà, lipey kew utew su pinaag̵i kayi ebpekeambit kew te menge kemeresayan he naantus ni Kristu ne tenged dutun utew kew zaan egkelipey keuzemà ke ibpezayag din kenitew haazà is bulawan he ed-ulian.

2 Pedro 1:10

Menge suled, geina te mibpilì kiw ne midhimu kiw te Megbevayà he menge tumutuu kandin, edhimuwen tew is taman te egkehimu tew wey maahà he tutuu iyan is kebpilia zin kenitew wey is kedhimuwa zin kenitew he menge tumutuu zin. Su emun iyan heini ed-ul-ulahan tew kenè kiw ebpekesuwey te hustu he ibayà,

Hudas 1:21

Layun niw isipa is utew zekelà he g̵ag̵ew keniyu te Megbevayà dutun te kedteg̵azi niw te timpu keuzemà he zutun ibpaahà kenitew te Nengazen tew he si Jesu Kristu is dekelà he hizu zin su zutun kenè kiw zin edsuwayan te wazà pidtemanan.

Impezayag 14:5

Ne wazà minsan keenu sikandan mezineg he edtarùtarù ne wazà neveelan dan he minsan hengkey he mezaat.