Hudas 1:16 - Manobo Western Bukidnon

¹⁶ Ne haazà is menge etew he netagnà ni Inuk, menge perelivak wey perevasul sikandan. Iyan dan edtumanen is menge memezaat he kebayè dan. Memepelevawen dan, iyan, edigdig̵en dan is menge zuma he etew su wey zan melimbungi.

Hudas 1:16 Кръстосани препратки

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Juan 6:41

Ne zutun nengepauk ki Jesus haazà is menge punuan he menge Hudiyu tenged te migkag̵i zin he ke sikandin te, “Iyan a sikan is egkeenen he ebpuun diyà te langit.”

Juan 6:61

Ne netuenan ni Jesus he zuen menge sumusundan din he neepes te impenurù din, ne ke sikandin diyà te kandan te, “Igkeepes niw ve heini is migkag̵i ku?

1 Kurintu 10:10

Ne kenè tew zaan edtemudmuzan is menge egalen he imbeg̵ey kenitew te Megbevayà su iyan mid-ulaula te zuma kandan ne zutun duen belinsug̵uen he midsug̵ù te Megbevayà he ibpehimatey kandan.

Gelasya 5:16

Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Gelasya 5:24

Ne is minsan hentei he migaked en ni Jesu Kristu, ne iring te inransang din en te krus is mekesesalà he lawa zin, he ke và dà egkeg̵iya, mid-engkezan din en is menge mezaat he kebayè din wey egkesuatan din.

Pilipus 2:14

Is langun he ebpeveelan din keniyu, tumana niw te wazà kebpeneremudtemud wey kebelivad.

1 Tiselunika 4:5

ne kenà tenged te egkeveyveyaan sikandin te suat te lawa zin, su iyan heeyan egkeulaula te menge etew he wazà medtuu te Megbevayà.

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.

2 Timoteo 4:3

Umba idtelaan ku heini kenikew su egkeuma keuzemà is timpu he kenà edewaten te menge etew is tutuu he tuluuwen, kekenà, iyan dan edsunuzen is menge mezaat he kebayè dan. Ebpemepenurù dan te mezakel he menge menenudlù. Ne iyan ibpenurù kayi is tuluuwen he utew zan egkesuati te ebpemineg.

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

1 Pedro 4:2

Ne tenged kayi, puun dutun taman te kebpatey zin egkehimu he kenè din en human edtumanen is mezaat he kebayà te lawa zin, kekenà, iyan din edtumanen is egkesuatan te Megbevayà.

2 Pedro 2:10

Utew meveg̵at keuzemà is kedsiluti zin dutun te menge etew he ebpeniguduwan dan te edtuman is menge meremerik he kebayà te lawa zan wey edsumpeliten dan is minsan hentei he zuen din keg̵ehem. Ne heini is migkag̵i ku he menge etew he ebpenurù te tarù, utew zan memevurut wey memepelevawen. Kenè dan edtehuzen is menge kedesenan diyà te langit, kekenà, edsumpeliten dan.

2 Pedro 2:18

Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.

2 Pedro 3:3

Idhuna ku keniyu ibpesavut he keuzemà te ketepusan he timpu duen ebpemenlepew he menge etew he iyan ebayàbayà kandan is menge mezaat he kebayè dan. Edsumpeliten kew zan he egkag̵i te,

Hudas 1:15

su edsusiyen din is nengeulaula te minsan hentei he etew. Edsilutan din is minsan hentei he lalung he wazè dan kedtahud te Megbevayà tenged te menge kelelalung he mid-ulaula zan wey tenged te kedsumpelita zan te Megbevayà.”

Hudas 1:18

Ke sikandan te, “Keuzemà te ketepusan he menge andew ebpenlepew is menge etew he edsumpalit keniyu. Iyan edtumanen dan is menge kebayè dan he supak te Megbevayà.”