Gelasya 6:2 - Manobo Western Bukidnon

² Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Gelasya 6:2 Кръстосани препратки

Mateo 8:17

Umba mid-ulaula zin heini su egketuman dutun kes netagnà dengan ni Esaias he ebpeneuven te Megbevayà, he egkag̵i te, “In-awè din is menge zaru tew ne mibewian din is menge ebpenggezamen tew.”

Lucas 11:46

Ne ke si Jesus te, “Sikiyu zaan is menge menunudlù te kesug̵uan, kehizu niw zaan su utew mezakel is mereg̵en he tulumanen he ibpetuman niw te menge etew, iyan, wazà minsan hengkey he idtavang niw kandan wey zan meketuman dutun te ibpetuman niw kandan.

Juan 13:34

Beg̵u en he sug̵ù is ibpetuman ku keniyu. Iyan is: kinahanglan he mahala ziyà te g̵ehinawa te uman sevaha keniyu is minsan hentei keniyu. Iring te mahal kew zini te g̵ehinawa ku, kinahanglan he mahal ziyà te g̵ehinawa te uman sevaha keniyu is minsan hentei keniyu.

Juan 15:12

Iyan heini sug̵ù ku keniyu he kinahanglan he mahal ziyà te g̵ehinawa te uman sevaha keniyu is minsan hentei keniyu iring te mahal kew zini te g̵ehinawa ku.

Ruma 15:1

Ne sikitew is meheg̵et is kedtuu te Megbevayà, kinahanglan he ed-entusen ta is kenè ta ked-ul-ulaha te ulaula he ibpekesalà te menge zuma ta he kenè pa meheg̵et is kedtuu zan. Ne kenè ta iyan idteg̵el is kenita he egkesuatan,

Ruma 8:2

Su pinaag̵i te kebpekidsevaha ta ki Jesu Kristu imbeg̵ey kenita te Wag̵as he Mulin-ulin is beg̵u en he untung ne tenged kayi nelibri ki en te kebpekesalè ta he iyan edungguan din is kemetayen he wazè din pidtemanan.

1 Kurintu 9:21

Ne ziyà te menge etew he kenà menge Hudiyu, emun iyan sikandan menge zuma ku ne kenè ku en maan ed-ul-ulahan is kesug̵uan he ebentayan te menge Hudiyu su ed-ul-ulahan ku is menge ulaula te kenà menge Hudiyu su wey ku sikandan maag̵ak ne ebpeketuu zan ki Jesus. Wazè ku engkezi is menge sug̵ù te Megbevayà su edtumanen ku is menge sug̵ù ni Kristu.

Gelasya 6:5

Su kinahanglan he bevaa te kada sevaha is kandin he keugelingen he bevaan.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

Santiago 1:25

Iyan, ke zuen etew he ebpurungan din ed-istudyuwi is kesug̵uan he wazè din kurang he iyan ebpekelibri kenitew, ne kenè din edlipatan, kekenà, edtumanen din, edtuvazan te Megbevayà is minsan hengkey he ed-ul-ulahan din.

Santiago 2:12

Duen selakew en he kesug̵uan he ebpekelibri kenita wey ki kenà mekesalà ne iyan heini kesug̵uan he idhukum kenita keuzemà te Megbevayà. Ne tenged kayi kinahanglan he ebpurungan ta is menge lalag ta wey ulaula ta su wey kenè ta mesupak haazà is kesug̵uan.

Santiago 2:8

Utew meupiya is ed-ul-ulahan niw emun edtumanen niw is lavew he sug̵ù te Nengazen he egkevasa niw ziyà te insurat he lalag din he edhenduen te, “Kinahanglan he mahala nu is duma nu; isipa nu sikandin he iring te kenikew en he g̵ehinawa.”

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.

2 Pedro 2:21

Meupiya pa ke wazè dan meturedu is paag̵i te kegkehimu kandan he metazeng, kenà te neturedu zan ne mid-iniyug̵an dan ne wazè dan medtuman te sug̵ù kandan te Megbevayà he impesavut kandan.

2 Pedro 3:2

Egkesuatan ku he meisip-isip niw is menge lalag he insurat dengan te ebpemeneuven te Megbevayà wey is sug̵ù te Nengazen tew he Menluluwas tew he imbeg̵ey zin kenitew pinaag̵i kenami te menge epustul.

1 Juan 4:21

Su insug̵ù kenitew te Megbevayà he is minsan hentei he tutuu is kebmahala zin te Megbevayà, kinahanglan daan he ebmahalen din is duma zin.