Gelasya 5:9 - Manobo Western Bukidnon

⁹ Haazà is tarù he tuluuwen he impenurù keniyu, ne iring te tapey emun ebaal ki te supas su minsan deisek dà is id-amut dutun te zekelà he midhames he erina, egketepayan gihapun is tivuuk he supas.

Gelasya 5:9 Кръстосани препратки

Mateo 13:33

Ne impenurù ni Jesus kandan is selakew pa maan he sempità. Ke sikandin te, “Is kebmezakel te edhedian te Megbevayà, ne iring daan te tapey. Su ke zuen bahi he ebaal te supas egkuwaan din is tapey ne idsahug din te sengebisin he erina. Ne edtulin haazà is erina,” ke si Jesus.

Mateo 23:33

Iring kew te menge uled wey menge anak te uled su utew mezaat is ulaula niw. Ebmenmenuwen niw te kedlikey is silut keniyu ziyà te Impirnu?

Marcos 8:15

Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Lucas 12:1

Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Lucas 13:21

Is kebmezakel zan te edhedian te Megbevayà, ne iring daan te tapey. Su ke zuen bahi he ebaal te supas, egkuwaan din haazà is tapey ne idsahug din te sengebisin he erina. Ne ed-ensak haazà is tapey zutun te erina ne edtulin haazà is erina.”

1 Kurintu 15:33

Iyan, kenè niw itug̵ut he meketuu kew te iring kayi su tarù. Tutuu iyan is erubasa he egkag̵i te, “Emun ebpekiduma ka te etew he mezaat is ulaula zin ne egkeiringan nu is ulaula zin wey ked-isip din.”

2 Timoteo 2:17

Is menge etew he iring kayi is kebpenurù dan, ne iring te it-it is penurù dan su ebpekeeneb ne ebpekezezaat. Is kebpenurù ni Himinyu wey ni Pilitu, ne iring kayi.