Gelasya 5:26 - Manobo Western Bukidnon

²⁶ Kinahanglan he kenè ki ebpelavew, kenè ki zaan ebpekidtebek te menge zuma he etew, kenè ki zaan egkesina te zuma ta.

Gelasya 5:26 Кръстосани препратки

Lucas 14:10

Iyan, ke egkeumbita ki ziyà te keemuran, kenè ki ebpemilì te meupiya he ebpinuuwan. Ne emun ebpinuu ki en, diyè ki ebpinuu te kenà utew meupiya he ebpinuuwan. Ne zutun, haazà is midtukud te keemuran, ebpekekag̵i kenita te, ‘He Geli, kenè ka keniyan mebpinuu su kayi ka pinuu te meupiya he ebpinuuwan.’ Ne zutun, kenè ki egkeeled, kekenà, egketahud ki te menge etew.

1 Kurintu 3:7

Ne tenged kayi, haazà is ebpemula wey haazà is ebinyag, kenà iyan sikandan edelig̵en, kekenà, iyan edelig̵en is Megbevayà su ibpetuvù din haazà is impemula.

Gelasya 5:15

Iyan, emun iyan niw zà ed-ul-ulahan is kebpepespesipelehey wey kebpeeg-eg̵età, ne egkepurung egkezeeti is upakat niw te menge tumutuu ki Kristu.

Pilipus 4:15

Sikiyu is menge tigPilipus, netuenan niw he zutun te kedhipanew ku puun diyan te prubinsya he Mesidunya hein aney ku en ipenudtul ziyan is Meupiya he Tudtulanen, iyan kew zà menge tumutuu he midtavang kedì. Wazà duma he gurupu te menge tumutuu he nehimu he menge timbang ku su iyan kew zà nekeveg̵ey kedì te selapì.

Santiago 4:16

Iyan, sikiyu mulà, memepedelig̵en su idantal niw is ed-ul-ulahan niw, ne mezaat is iring dutun.

1 Pedro 5:5

Sikiyu menge menguhed, edhengyuan ku sikiyu he pevayàbayè kew te menge ebmeg̵urangen. Kinahanglan he kenè kew mepelevawen, kekenà, mebpetebtevangè kew su zuen insurat he Lalag te Megbevayà he edhenduen te, “Kuntada te Megbevayà is mepelevawen, iyan, igkehizu zin is kenà ebpelavew.”