Gelasya 5:18 - Manobo Western Bukidnon

¹⁸ Iyan, ke ebpesakup ki te Wag̵as he Mulin-ulin, kenè ki egkesakup te kesug̵uan he imbilinbilin ni Moises.

Gelasya 5:18 Кръстосани препратки

Juan 16:13

Ne sikan is Wag̵as he Mulin-ulin he ebpenurù te tutuu he tuluuwen, emun dini en sikandin te keniyu, ibpesavut din keniyu is langun he tutuu. Kenè din iyan ibpesavut is kandin dà he isip, kekenà, iyan ibpesavut din is nezineg din diyà te Amey ku. Ibpesavut din daan keniyu is egkeulaula keuzemà.

Ruma 7:4

Ne iring din ded daan, menge suled, heini is nehitavù kenitew su zutun te kebpatey ni Kristu he elili kenitew, ne mibpatey ki zaan, ne tenged kayi kenè en egkehimu he ibpetuman kenita te minatey en is menge sug̵ù he imbilinbilin ni Moises. Ne umba nehimu heini su wey kiw mesakup ni Kristu he nevanhew en ne wey tew metuman is egkesuatan te Megbevayà.

Ruma 8:12

Umba, menge suled, utew kinahanglan he edtumanen ta is egkesuatan te Megbevayà ne kenè te en ebpezumdumahan is menge mezaat he kebayà te lawa ta.

Ruma 8:14

Su emun ed-eg̵aken is minsan hentei te Wag̵as he Mulin-ulin tutuu en he anak sikandin te Megbevayà.

Gelasya 5:16

Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Gelasya 5:23

kenè ki mevurut, wey egkeeg̵en ta is kebayà te lawa ta. Ne emun iyan heini menge ulaula ta, kenè ta egkesupak is menge sug̵ù kenita te Megbevayà.

Gelasya 5:25

Ne is Wag̵as he Mulin-ulin, geina te mibeg̵ayan ki zin te veg̵u en he untung, kinahanglan he ebpevayàbayè ki zaan kandin.

1 Timoteo 1:9

Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù,

2 Timoteo 1:7

Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.