Gelasya 5:17 - Manobo Western Bukidnon

¹⁷ Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Gelasya 5:17 Кръстосани препратки

Mateo 12:30

Sikan is kenè ku zuma, kuntada ku; sikan is kenà edtavang kedì, edsanggen kediey.

Mateo 16:17

Ne migkag̵i si Jesus te, “Simon, anak ni Juan, midtuvazan ka te Megbevayà su wazè nu metueni heini pinaag̵i te etew, kekenà, impinted kenikew te Amey ku he ziyà te langit.

Mateo 16:23

Ne midsinaru si Jesus diyà te ki Pedro is egkag̵i te, “Sikew is ed-iring ki Setanas, awè ka zini te kediey. Egkesanggen a kenikew su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Mateo 26:41

Kenè kew lipezeng, kekenà, ampù kew wey kew mekelikey te menge penggezam keniyu. Edsunud is gehinawa niw, iyan, is lawa niw ne meluya.”

Mateo 5:6

Utew zeyzey sikandan is iyan dekelà te g̵ehinawa zan is kedtumana zan te egkesuatan te Megbevayà su is Megbevayà edtavang kandan te kedtumana kayi.

Lucas 22:33

Ne midtavak si Pedro te, “Kenà a edsuwey kenikew! Su minsan ke egkepirisu ka ne eduma e en kenikew; ne ke edhimetayan ka ne ed-unung e en kenikew!”

Lucas 22:46

Ne zutun migkag̵i si Jesus diyà te kandan te, “Maan is ebpemenlipezeng kew? Enew kew wey med-ampù wey kew kenà mezaag te penuley keniyu.”

Juan 3:6

Is id-anak pinaag̵i te etew, ne etew zà daan, iyan, is id-anak pinaag̵i te g̵ehem te Wag̵as he Mulin-ulin, diyà ed-ubpà te kandin is Wag̵as he Mulin-ulin.

Ruma 8:13

Su emun kenè niw iyan ed-iniyug̵an is menge suat te lawa niw, edsilutan kew te kemetayen he wazè din pidtemanan, iyan, ke pinaag̵i te kedtavang te Wag̵as he Mulin-ulin egkeiniyug̵an niw is menge mezaat he ulaula niw, ebeg̵ayan kew te untung he wazè din pidtemanan.

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Santiago 3:2

Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat.