Gelasya 5:16 - Manobo Western Bukidnon

¹⁶ Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Gelasya 5:16 Кръстосани препратки

Ruma 6:12

Ne tenged kayi, menge suled, kenè te en idtug̵ut he iyan ebayàbayà te menge lawa ta he melemu ebpatey, is mezaat he kebayè dan. Su emun idtug̵ut ta heini, egkepezumdumahan ta is menge mezaat he suat te lawa ta.

Ruma 8:1

Ne sikita is nekidsevaha ki Jesu Kristu, kenè ki en egkehukuman te silut.

1 Kurintu 7:29

Su ibpesavut ku keniyu, menge suled, he mevavè dà utew is timpu tew ne tenged kayi, puun guntaan is etew he zuen esawa zin, ne kinahanglan he tumana zin is ebpeveelan kandin te Nengazen he iring te wazè din esawa.

2 Kurintu 7:1

Ne g̵eina te iyan heini impenaad kenita te Megbevayà, ne edlumpiyuwen ta is menge ulaula ta su wey wazà minsan hengkey he meremerik he ulaula te lawa ta wey meremerik he isip ta. Ne ebpurungan ta is ulaula ta su wey meheg̵eti is kebmetazeng ta pinaag̵i te layun ta kedtehuza kandin.

Gelasya 3:17

Iyan ibpesavut ku kayi is: duen untung he wazè pidtemanan he impenaad te Megbevayà ki Abraham he kenà duwazuwa he edtumanen din su midlig-enan din. Daan en heini is penaad te wazè pa is kesug̵uan he imbilinbilin ni Moises su neug̵et pa zutun si Moises su menge heepat pa he g̵atus wey ketluan he tuig. Ne kenà egkehimu he egkeawà is penaad te Megbevayà pinaag̵i te kesug̵uan he imbilinbilin ni Moises. Kenà egkehimu he kenè edtumanen te Megbevayà is penaad din.

Gelasya 6:8

Emun edtumanen te etew is kandin he egkesuatan, iyan egkezawat din is kemetayen he wazà pidtemanan. Emun edtumanen din is egkengesuatan te Wag̵as he Mulin-ulin, ibeg̵ey kandin is untung he wazà pidtemanan.

Ipisu 2:3

Ne sikitew zaan, elin kiw zengan ebpen-ulaula te mezaat sumalà is mezaat he kebayà te lawa tew, wey is mezaat he isip tew. Ne tenged kayi neragkes kiw pa zutun te silut iring te zuma he menusiyà he kenà sakup te Megbevayà.

Kulusas 2:11

Ne tenged kayi, minsan kenè kew menge Hudiyu, is midhimu keniyu te Megbevayà, ne iring duen te kedsirkunsidara zengan te menge Hudiyu su nehimu kew en he menge g̵aked te Megbevayà pinaag̵i te kebpekidsevaha niw ki Kristu. Iyan, selakew heini, su kenà pinaag̵i te kebpelii te lawa zà duen, kekenà, in-awà ni Kristu is gehem te mezaat he kebayà te lawa niw.

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

1 Pedro 4:6

Sikan is menge etew he nemematey en, impesavut en kandan dengan is Meupiya he Tudtulanen he ebpuun diyà te Megbevayà su wey meveg̵ayi sikandan te untung he wazà pidtemanan minsan pa te kenè dan egkelikayan is kebpatey te lawa zan su iyan silut te Megbevayà diyà te tivuuk he menusiyà.