Gelasya 5:10 - Manobo Western Bukidnon

¹⁰ Ne minsan pa zutun, dekelà is kedsarig ku te Nengazen he pinaag̵i te kedtavang din keniyu, ebpemineg̵en niw zed is hustu he impenurù ku keniyu. Iyan, haazà is etew he nekesamuk te isip niw pinaag̵i te penurù din he tarù, siguradu he edsilutan sikandin te Megbevayà.

Gelasya 5:10 Кръстосани препратки

Nengeulaula 15:24

Nezineg dey is tudtul he zuen menge zuma zey he Hudiyu he nekesamuk keniyu v su igkeliveg niw is menge penurù dan, iyan, wazè dey sikandan sug̵ua.

1 Kurintu 5:5

engkezi niw sikandin, ne iveg̵ey niw sikandin diyà te ki Setanas su wey mezeeti is lawa zin ne human egkelibri is gimukid din te silut te Megbevayà keuzemà te andew te kedsusi te Nengazen tew he si Jesus.

2 Kurintu 1:15

Ne g̵eina te netuenan ku he siguradu nesavut niw en heini, neisip ku he edhuna a ebpenumbaley ziyan te keniyu su wey kezezuwa ku sikiyu metevangi

2 Kurintu 10:2

Idhangyù ku keniyu he purungi niw is ulaula niw su wey kenà kinahanglan he mebmeg̵arang is menge lalag ku emun diyan a te keniyu. Duen duma keniyu he egkag̵i he iring a te etew zà duen he kenà dekelà diyà te g̵ehinawa zin is egkesuatan te Megbevayà. Ne hanu man su kayi te kedhendiyan ku te keniyu emun kenè dan ebpurungan is menge ulaula zan, ne egkeehè dan ke sengemenu keg̵arang is menge lalag ku.

2 Kurintu 10:6

Ne emun ibpeehè niw en he metinumanen kew te menge sug̵ù ni Kristu, ne zutun edsilutan dey is minsan hentei pa he tumutuu ziyan he kenè pa egkesuat he ebpemineg te menge sug̵ù din.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

2 Kurintu 2:3

Umba, menge suled, iyan mibeelan ku zutun is mibpeuwitan ku zà sikiyu te surat. Su kenè ku zutun egkesuatan he ebpenumbaley a ziyan su netuenan ku he sikiyu is menge etew he kinahanglan pezem he iyan igkelipey ku, ne igkeseeng ku zutun. Ne netuenan ku zaan he emun egkelipey a, egkelipey kew zaan.

2 Kurintu 2:6

Netengkaan en, menge suled, is kedsiluti niw kandin.

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.

2 Kurintu 7:16

Ne tenged kayi, utew ad egkelipey su netuenan ku he ebpekepurung ad ebpekesarig keniyu.

2 Kurintu 8:22

Ne zuen pa suled tew he ibpezuma zey engki Tito. Mibpurungan ku sikandin susiya ne utew zekelà is gustu zin te edtavang te menge tumutuu, iyan, tuwas pa zekelà is gustu zin te edtavang keniyu g̵eina te zekelà is kedsarig din keniyu.

Gelasya 1:7

Iyan, kenà egkehimu he zuen selakew pa he tuluuwen he egngezanan te Meupiya he Tudtulanen. Egkeg̵iyen ku heini su zuen menge etew ziyan he ebpenurù te tarù, ne pinaag̵i kayi egkesemukan is isip niw su edhelinen dan te tarù is Meupiya he Tudtulanen mehitenged ki Kristu.

Gelasya 2:4

Iyan, duen menge etew he kenà tutuu he menge tumutuu te tutuu he tuluuwen he midtampu kenami. Egkesuatan dan dutun he sirkunsidara si Tito. Umba midtampu zan he id-eles dan he kenè dan tutuu he tumutuu su wey zan maahà ke edtumanen tew is menge sug̵ù he imbilinbilin ni Moises. Su egkesuatan dan he meiring kiw te uripen pinaag̵i te kedtuman te kesug̵uan minsan te nelibri kiw en ni Jesu Kristu ne wazè en kinahanglan he ebenteyanan tew pa is kesug̵uan.

Gelasya 2:6

Ne zutun, minsan sikan is menge etew ziyà te Hiruselim he henduen be te menge egalen te tumutuu, wazè dan ingkepenurù kediey he idheg̵et te ibpenurù ku. Umba egkeg̵iyen ku he henduen dan te menge egalen su wazà bali ziyà te Megbevayà te igerar kenita te menge etew. Wazà id-uman dan te kediey he ibpenurù, kekenà, nesavut dan dutun he insarig kediey te Megbevayà is kedsengyawa te Meupiya he Tudtulanen diyà te menge etew he kenà Hudiyu iring te insarig din daan ki Pedro is kedsengyawa kayi ziyà te menge Hudiyu.

Gelasya 3:1

Sikiyu is menge tigGelasya, henduen be te kenè kew metau he ed-isip-isip! Utew a egkeinuinu keniyu! Maan is ebpemineg̵en niw is menge etew he ebpetuman keniyu te kesug̵uan he imbilinbilin ni Moises? Utew keladu is kebpenurua ku keniyu te nehimu ni Jesu Kristu kenitew pinaag̵i te kebpatey zin diyà te krus.

Gelasya 4:11

Utew ku sikiyu igkeipeng su kela ke kenà ebpulus is langun he impenurù ku keniyu.

Gelasya 4:17

Haazà is menge etew he kenà tutuu is ibpenurù dan keniyu, ebpurungan kew zan, iyan, kenà meupiya is tuyù dan diyan te keniyu. Egkesuatan dan he maawà is upakat niw kediey su wey iyan niw zà sikandan mepurungi.

Gelasya 4:20

Angin ke ziyan a te keniyu su wey ku sikiyu melelag̵i; kenè ku egketuenan ke hengkey is meupiya he idsurat ku he ibpeuwit ku ziyan su egkeipeng a keniyu.

Gelasya 5:12

Ne sikan is menge etew he edsamuk keniyu pinaag̵i te tarù he penurù dan, egkesuatan ku pezem he kenà iyan dà is kebpesirkunsidar edtumanen dan, kekenà, elin daan ul-ulaha zan is kebpekapun!

Gelasya 5:7

Mibpurungan niw zengan te ed-ikul is hustu he ibayà. Maan is idtug̵ut niw he zuen ed-eg̵en keniyu wey niw kenè en metuuwi is tutuu he tuluuwen?

Gelasya 6:17

Puun dà guntaan, kinahanglan he wazà minsan hentei he megkag̵i he wazà iveg̵ey kediey ni Jesus is keg̵ehem te kebpenurù. Egketuusan kayi te lawa ku is kedtumana ku te menge sug̵ù ni Jesus. Mezakel is menge tulak te menge palì ku he nehimu te menge kuntada ni Jesus.

Pilipus 3:15

Ne is langun te sikitew he meg̵urang en te kedtuu, kinahanglan he iring kayi zaan is isip tew wey g̵ehinawa tew. Iyan, emun kenè kew egkengeuyun ibpetuenan keniyu te Megbevayà is benar.

2 Tiselunika 3:4

Tenged te kedsarig dey te Nengazen, netuenan dey he ebpenigudu kew pa edtuman te menge sug̵ù dey keniyu.

1 Timoteo 1:20

Duma kayi si Himinyu wey si Alejandro. Impevayàbayè ku si Setanas kandan wey ikepenurù kandan he kenè dan sumpelita is Megbevayà.

Pilimun 1:21

Dekelà is kedsarig ku kayi te kebpesurati ku kenikew su netuenan ku he ebpemineg̵en a kenikew. Netuenan ku he zekelà is edhimuwen nu, kenà te idhangyù ku.