Gelasya 4:8 - Manobo Western Bukidnon

⁸ Dengan te wazè niw pa tuuwi is tutuu he Megbevayà, neuripen kew te menge edtuuwan he kenà hustu he megbevayà.

Gelasya 4:8 Кръстосани препратки

Juan 1:10

Ne nekeuma si Kristu zini te kelibutan. Pinaag̵i kandin midlimbag is kelibutan, iyan, wazà sikandin mekilala te menusiyà.

Nengeulaula 14:12

Ne egkeg̵iyen dan he si Bernabe, iyan kes diwata zan he si Siyus, ne si Pablo, iyan kes diwata he si Hirmis su iyan metau zutun te zezuwa he ebpesavut.

Nengeulaula 17:23

Su te kedrig̵urig̵u ku kayi te inged niw nengeehè ku is menge ed-ezapen niw. Ne zuen daan sevaha he pemuhatà he neehè ku he insurat dutun is lalag he edhenduen te, ‘Kayi ed-ezapa is Megbevayà he Wazè Pa Metueni.’ Ne sikan is Megbevayà he ed-ezapen niw minsan wazè niw pa metueni, iyan heini is ibpesavut ku en keniyu.

Ruma 1:23

Su kenè dan ed-ezapen is tutuu he mekeg̵eg̵ehem he Megbevayà he wazè din kemetayen, kekenà, iyan dan ed-ezapen is menge ledawen he mibeelan dan he iring te menge etew he zuen din kemetayen wey iring te menge tagbis, wey ke menge langgam be, wey ke menge uled.

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

1 Kurintu 12:2

Netuenan niw he zengan te wazè kew pa meketuu ki Jesus ne zuen ebpengelintau keniyu he mekeazap kew te menge ledawan, ne pinaag̵i kayi te menge wazè dan gehinawa he ledawan ne layun egketazin dengan is menge isip niw.

1 Kurintu 8:4

Ne mehitenged te kegkaan te usa he impemuhat duen te menge tarù he ed-ezapen, netuenan tew he kenè man Megbevayà is iring dutun su sebsevaha zà is tutuu he Megbevayà.

Gelasya 4:3

Ne iring kiw zaan dutun su neveyveyaan kiw zengan te menge kenè pa hustu he tuluuwen dini te kelibutan su iring kiw pa te menge vatà is ebantey te langun dutun.

Ipisu 4:18

Wazè dan hanew te hustu he ibayà ne wazè dan untung he ibeg̵ey te Megbevayà, geina te nengepaglung sikandan tenged te kezesen te g̵ehinawa zan.

1 Tiselunika 1:9

Nezineg dan en ne iyan sikandan ebpenudtul mehitenged te kegelg̵elawa niw kenami. Ebpenudtul zan he mid-engkezan niw kes ked-azap te menge kenà tutuu he ed-ezapen. Mid-engkezan niw kun wey kew mekeazap te tutuu he Megbevayà he wazè din kemetayen.

1 Tiselunika 4:5

ne kenà tenged te egkeveyveyaan sikandin te suat te lawa zin, su iyan heeyan egkeulaula te menge etew he wazà medtuu te Megbevayà.

2 Tiselunika 1:8

Dutun, edsilutan din sikandan is wazà medtetenged te Megbevayà wey wazà mebpemineg te Meupiya he Tudtulanen te keag̵i te Nengazen tew he si Jesus.

1 Pedro 4:3

Su kinahanglan he kenè niw en maan ul-ulaha sikan is mezaat he ed-ul-ulahan he egkesuatan te menge etew he wazà medtuu te Megbevayà. Su zengan meremerik is ulaula niw; mezaat is egkesuatan te lawa niw; lelenguten kew ne mezaat is kelenganan he ibpelepew niw ziyà te menge keemuran he zutun kew ebpenginum. Utew kew egkeepesi te Megbevayà su kenà tutuu he megbevayà is ed-ezapen niw.

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.