Gelasya 4:7 - Manobo Western Bukidnon

⁷ Ne g̵untaan kenè ki en iring te menge sulug̵uen dà, kekenà, anak ki en te Megbevayà. Ne g̵eina te iyan heini, egkezawat ta is minsan hengkey he ibeg̵ey zin diyà te anak din.

Gelasya 4:7 Кръстосани препратки

Mateo 6:24

Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.

Gelasya 3:26

Ne g̵eina te iyan haazà, nehimu kew en pudu he menge anak te Megbevayà tenged dà te kedtuu niw ki Jesu Kristu.

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Gelasya 4:31

Umba, menge suled, sikitew, iring kiw te anak te vahi he kenà uripen, kenè kiw iring te anak te uripen.

Impezayag 21:7

Ke zuen minsan hentei he ebpekezaag ki Setanas, ne edhimuwen ku sikandin he anak ku ne egkehimu a zaan he Megbevayè din.