Gelasya 4:30 - Manobo Western Bukidnon

³⁰ Ne hengkey is sambag te insurat he Lalag te Megbevayà? Duen insurat he lalag din he edhenduen te, “Ipaawè nu is bahi he uripen wey is anak din su is anak te uripen, kenà egkehimu he ebeg̵ayan sikandin te menge azen te amey zin. Iyan dà ebpekeangken kayi is anak te vahi he kenà uripen.”

Gelasya 4:30 Кръстосани препратки

Juan 8:35

Ne is uripen, egkehimu he ibpaawà sikandin dutun te valey he ed-ubpaan din, iyan, is anak te teg̵ivaley, kenà mulà ibpaawà.

Ruma 11:2

Is Megbevayà, ne kenà egkehimu he ed-engkezan din is menge etew he nepilì din dengan te wazè pa limbag̵a is minsan hengkey. Egkesavut ta heini ziyà te insurat dengan mehitenged ki Elias su hein mid-ampù sikandin diyà te Megbevayà tenged te menge mezaat he ulaula te menge zuma zin he menge kevuwazan ni Israyil, ke sikandin diyà te Megbevayà te,

Ruma 4:3

Umba netuenan ta heini su zuen insurat he Lalag te Megbevayà he edhenduen te, “Midtuu si Abraham te Megbevayà ne tenged dutun te kedtuu zin, mid-isip te Megbevayà sikandin he metazeng.”

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 3:8

Daan he migkag̵i is Megbevayà diyà te insurat he lalag din he minsan is menge etew he kenà menge Hudiyu, ne ed-isipen din sikandan he metazeng emun edtuuwan dan sikandin. Impesavut din he zaan ki Abraham is Meupiya he Tudtulanen, ke sikandin te, “Tenged te midtuu ka te migkag̵i ku, midtuvazan ku sikew. Ne pinaag̵i zaan kayi te kedtuu nu edtuvazan ku is tivuuk he menusiyà dini te kelibutan.”

Gelasya 4:22

Su migug̵ud dutun te kesug̵uan he zuen dezuwa he anak he maama ni Abraham. In-anak haazà is sevaha ni Hagar, kes esawa zin he uripen, ne in-anak haazà is sevaha te esawa zin he kenà uripen he iyan si Sara.

Gelasya 4:31

Umba, menge suled, sikitew, iring kiw te anak te vahi he kenà uripen, kenè kiw iring te anak te uripen.

Santiago 4:5

Kenè niw isipa he kenà tutuu sikan is insurat he Lalag te Megbevayà he edhenduen te, “Is gehinawa he imbeg̵ey kenita te Megbevayà, nehimu he mezesen is kegkesuati zin te mezaat he ulaula,