Gelasya 4:3 - Manobo Western Bukidnon

³ Ne iring kiw zaan dutun su neveyveyaan kiw zengan te menge kenè pa hustu he tuluuwen dini te kelibutan su iring kiw pa te menge vatà is ebantey te langun dutun.

Gelasya 4:3 Кръстосани препратки

Mateo 11:28

Hendini kew te kediey, sikiyu is langun he nengeveley tenged te ked-uwit te menge meveg̵at he ulaula su ibpehimeley ku sikiyu.

Juan 8:31

Ne migkeg̵iyan ni Jesus is menge Hudiyu he nemeketuu kandin, ke sikandin te, “Emun kenè niw ed-engkezan is kedtumana niw te menge penurù ku keniyu, ne human tutuu he menge sumusundan ku sikiyu.

Nengeulaula 15:10

Ne maan is egezamen niw is pauk te Megbevayà? Maan is ibpetuman niw te menge zuma tew he sumusundan ni Jesus is menge imbilinbilin he kesug̵uan he utew mereg̵en, he sikitew wey is ginikanan tew, wazà daan meketuman.

Ruma 7:14

Netuenan tew he meupiya is kesug̵uan su imbeg̵ey te Wag̵as he Mulin-ulin. Iyan, siak, geina te edtumanen ku is menge mezaat he suat te lawa ku ne nehimu a he iring te uripen te menge mezaat he kebayà.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

2 Kurintu 11:20

Su ke zuen minsan hentei he ebmandarmandar keniyu wey ke zuen ed-ag̵ew te menge azen niw wey ke zuen edlimbung keniyu wey ke edlupig̵en kew zan wey ke ebug̵elen kew zan ne ed-entusen niw.

Gelasya 2:4

Iyan, duen menge etew he kenà tutuu he menge tumutuu te tutuu he tuluuwen he midtampu kenami. Egkesuatan dan dutun he sirkunsidara si Tito. Umba midtampu zan he id-eles dan he kenè dan tutuu he tumutuu su wey zan maahà ke edtumanen tew is menge sug̵ù he imbilinbilin ni Moises. Su egkesuatan dan he meiring kiw te uripen pinaag̵i te kedtuman te kesug̵uan minsan te nelibri kiw en ni Jesu Kristu ne wazè en kinahanglan he ebenteyanan tew pa is kesug̵uan.

Gelasya 3:19

Ne emun iyan heini, ne hengkey is pulus te kesug̵uan? Ibpesavut ku keniyu is pulus din. In-uman te Megbevayà is kesug̵uan su wey zin ipesavut kenita ke hengkey is mezaat he ulaula ta; ne egkesuatan din he zutun dà taman is kedserig̵i te kesug̵uan te kebpekeuma te kevuwazan ni Abraham he iyan si Kristu he iyan mibpenaazan te Megbevayà. Midsug̵ù te Megbevayà is menge velinsug̵uen din he ebpuun diyà te langit wey zan ikeveg̵ey is kesug̵uan diyà te ki Moises. Ne si Moises, nehimu sikandin he zatù te pid-elangan su imbeg̵ey zin daan is kesug̵uan diyà te menge etew.

Gelasya 4:2

Duen ed-uyamu kandin he ebantey zaan dutun te menge azen din taman te kenè pa egketuman is timpu he midtelaan te amey zin, ne human sikandin ebpekezawat te keg̵ehem te kebayàbayà te menge azen din.

Gelasya 4:24

Ne sempità heini is dezuwa he vahi. Iyan kehulug̵an din is dezuwa he paag̵i he midtukud te Megbevayà te kebpekidsevaha zin te menusiyà. Si Hagar is bahi he uripen, ne iyan alung te paag̵i he imbeg̵ey te Megbevayà ki Moises diyà te vuntud he Siney. Iyan heini kes kesug̵uan. Su is menge anak ni Hagar, he ke và dà egkeg̵iya, is langun he nekesarig te kedtuman te kesug̵uan, ne menge uripen sikandan.

Gelasya 4:25

Diyà haazà is buntud he Siney te tanà he egngezanan te Erabya. Ne alung heini is buntud he Siney ki Hagar. Ne iyan kehulug̵an ni Hagar is inged he Hiruselim su neuripen is langun he meg̵inged dutun te kedtumana te kesug̵uan.

Gelasya 4:31

Umba, menge suled, sikitew, iring kiw te anak te vahi he kenà uripen, kenè kiw iring te anak te uripen.

Gelasya 4:8

Dengan te wazè niw pa tuuwi is tutuu he Megbevayà, neuripen kew te menge edtuuwan he kenà hustu he megbevayà.

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?

Kulusas 2:20

Na, menge suled, geina te iring te minatey ki en duma ki Kristu, wey kenè ki en maan egkeveyveyaan te menge kenà hustu he tuluuwen, kinahanglan he kenè kew en maan mebpemineg te menge sug̵ù te menge etew he menge kuntada te Megbevayà. Menge sug̵ù heini te menge etew zà duen. Egkag̵i zan he zuen menge egkeenen he kenà ibpekaan kenitew te Megbevayà, ne minsan is kegezami wey is kegewezi zà kayi ne wazè din kun itug̵ut kenitew. Kenè niw, menge suled, pemineg̵a is iring dutun su wazà pulus te idawey zan su emun egkeenen tew is egkeenen ne egkeawà heini.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

Hibriyuhanen 5:12

Neug̵et en is kebpeketuu niw ki Jesus, ne engayan kew en pezem he menge menunudlù, iyan, kenà egkehimu su kinahanglan he ebpekepepenurù kew pa ebpekepeuman wey niw mesavut is menge melemu zà he tuluuwen he ebpuun te Lalag te Megbevayà. Henduen te kemulu kew pa edsusu su kenè niw pa egkelutang te egkaan is mezesen he egkeenen, he ke và dà egkeg̵iya, is menge mezalem he ebpuun te insurat he Lalag te Megbevayà.

Hibriyuhanen 7:16

Ne wazà heini is beg̵u himuwa he kelibutanen he memumuhat pinaag̵i te menge kelibutanen he kesug̵uan, kekenà, midhimu sikandin he memumuhat tenged te mekeg̵eg̵ehem sikandin su wazè din kemetayen.