Gelasya 4:21 - Manobo Western Bukidnon

²¹ Sikiyu is egkesuat he ebpezizalem te kedtuman te kesug̵uan, ibpesavut ku keniyu ke hengkey is kehulug̵an kayi.

Gelasya 4:21 Кръстосани препратки

Marcos 10:3

Ne insà daan is intavak ni Jesus dutun, ke sikandin te, “Hengkey man is insug̵ù kenitew ni Moises he egkevasa ta zuen te kesug̵uan mehitenged te kebpekidsuwey?”

Lucas 16:29

Ne midtavak si Abraham te, ‘Duen diyà te kandan menge surat he impesurat te Megbevayà ki Moises wey te ebpemeneuven te Megbevayà dengan. Egkehimu he ebpemineg̵en haazà dutun te menge hazi nu.’

Juan 10:34

Ne midtavak si Jesus te, “Duen insurat he Lalag te Megbevayà diyà te kesug̵uan tew he edhenduen te, ‘Migkag̵i ku he menge megbevayè kew.’ ”

Juan 12:34

Ne migkag̵i zutun is menge etew te, “Duen impenurù kenami he ebpuun te insurat he Lalag te Megbevayà he kenè en ebpatey is mibpilì te Megbevayà he ibpahadì. Ne sikew, egkag̵i ka he ibayew ziyà te tukud is Kakey te Menusiyà. Hentei heini is egkeg̵iyen nu he Kakey te Menusiyà?”

Juan 15:25

Pinaag̵i kayi netuman diyà te kandan is tagnà diyà te kesug̵uan he impenurù dengan kandan he edhenduen te, ‘Minsan ke wazè dan ketezengan te igkuntedaha zan kedì, ne egkuntedahan e zan.’ ”

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Ruma 6:14

Su kenè en kinahanglan he iyan ebayàbayà kenita is mezaat he kebayè ta su kenè ta iyan edserig̵an is kedtumana te kesug̵uan, kekenà, iyan ta edserig̵an is kedtavang wey kegkeg̵eg̵awi te Megbevayà kenita.

Gelasya 3:10

Iyan, is minsan hentei mulà he edsarig te kedtumana te kesug̵uan he imbilinbilin ni Moises, nesug̵at en te rawak te Megbevayà su zuen insurat he Lalag te Megvevayà he edhenduen te, “Is minsan hentei he kenà din egkepurung egketuman is minsan hengkey he sug̵ù he insurat dutun te kesug̵uan, ne nesug̵at en sikandin te rawak te Megbevayà.”

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?