Gelasya 4:17 - Manobo Western Bukidnon

¹⁷ Haazà is menge etew he kenà tutuu is ibpenurù dan keniyu, ebpurungan kew zan, iyan, kenà meupiya is tuyù dan diyan te keniyu. Egkesuatan dan he maawà is upakat niw kediey su wey iyan niw zà sikandan mepurungi.

Gelasya 4:17 Кръстосани препратки

Mateo 23:15

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Edlayun kew te zag̵at ne edhipenawen niw is meluag he tanà wey niw mekabig is etew; ne is egkekabig niw, edhimuen niw he tuwas pa he zait sikandin he edsilutan diyà te Impirnu, kenà sikiyu.

Ruma 10:2

Netuenan ku he utew mezesen is kedtumana zan te tuluuwen dan he kunaan dan ke egkesuatan te Megbevayà, iyan, wazè dan metueni is hustu he egkesuatan te Megbevayà.

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

1 Kurintu 11:2

Duen ed-ul-ulahan niw he layun ku egkeg̵iya he utew meupiya he iyan is: wazè a keniyu melipati ne is impenurù ku keniyu ne edtumanen niw layun.

1 Kurintu 4:18

Utew ebpegalbu is duma keniyu su kunaan dan ke egkehandek a he edhendiyan te kedsusi keniyu.

1 Kurintu 4:8

Kunaan niw vuwa ke wazè en egkinehenglanen niw he tavang te Megbevayà. Henduen be te midtulus kew en ne is langun he menge tuvad te Megbevayà, ne nekuwa niw en. Kunaan niw vuwa ke edhadì kew en dutun te g̵inhedian te Megbevayà ne sikami is menge epustul, kenè key pa ebpekehadì. Meupiya iyan pezem ke tutuu he edhadì kew en su wey key zaan mekehadì duma keniyu.

2 Kurintu 11:3

Egkeipeng a keniyu su kela ke meengkezi niw is kebpurungi niw kedtumana te menge sug̵ù ni Kristu su kela ke mesahug is kedtuu niw te selakew he edtuuwen. Kela ke meiringi niw si Ibà dengan su mid-akalan sikandin te teruen he uled he iyan si Setanas.

Gelasya 4:16

Maan is egkepeukan a keniyu g̵untaan? Kela ke nehimu kew en he kuntada ku tenged dà te migkag̵i ku keniyu ke hengkey is tutuu he tuluuwen.

Gelasya 4:18

Utew meupiya ke ebpekid-emig̵u zan keniyu emun kenà mezaat is tuyù dan. Egkesuatan ku he kenà iyan e zà ebpekid-emig̵u keniyu. Emun kenà a ziyan, meupiya ke zuen pa ebpekid-emig̵u keniyu.

Pilipus 2:21

Is duma, ne iyan dà egkeisip dan is kandan dà he egkesuatan, ne kenà iyan is egkesuatan ni Jesu Kristu.

2 Pedro 2:18

Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.