Gelasya 4:15 - Manobo Western Bukidnon

¹⁵ Utew a zengan keniyu ingkeg̵alew, su ke egkehimu zà ne egkeluten niw is mata niw ne ibeg̵ey niw kedì. Iyan e en mismu ebpekekag̵i kayi mehitenged keniyu. Ne g̵untaan, maan is nahalin en is gehinawa niw?

Gelasya 4:15 Кръстосани препратки

Lucas 8:13

Ne haazà is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg ne edtuuwan dan. Iyan, kenà egkeheg̵et is kedtuu zan ne kenè en utew egkeug̵et dutun emun egezaman ni Setanas is kedtuu zan, ne edlikù dan diyà te zaan he ulaula zan.

Ruma 10:2

Netuenan ku he utew mezesen is kedtumana zan te tuluuwen dan he kunaan dan ke egkesuatan te Megbevayà, iyan, wazè dan metueni is hustu he egkesuatan te Megbevayà.

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

Ruma 9:3

Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.

2 Kurintu 8:3

Ebpeketistig̵us a he midhimu zan is taman te egkehimu zan, ne subra pa te egkehimu zan is imbeg̵ey zan he ebpuun te keputian te atey zan.

Gelasya 3:14

Ne umba mibpehimatey si Jesu Kristu te iring dutun su wey pinaag̵i kandin ikeveg̵ey zaan diyà te menge etew he kenà menge Hudiyu is ketazeng he intuvad te Megbevayà ki Abraham. Ne pinaag̵i zutun sikitew is langun he edtuu ki Jesus, ebeg̵ayan kiw zin te Wag̵as he Mulin-ulin he impenaad dengan te Megbevayà.

Gelasya 4:14

Ne minsan te zuen ku mezaat he zaru ne wazà a keniyu ikeremerik minsan ke heini is daru ku ne nekesamuk keniyu, iyan, midawat a keniyu iring te velinsug̵uen te Megbevayà he ebpuun te langit. Impeiring niw is kedewata niw kedì te kedewata niw ki Jesu Kristu.

Gelasya 4:16

Maan is egkepeukan a keniyu g̵untaan? Kela ke nehimu kew en he kuntada ku tenged dà te migkag̵i ku keniyu ke hengkey is tutuu he tuluuwen.

Gelasya 4:19

Henduen be te menge anak ku en sikiyu su minahal ku sikiyu. Iring te edlised is bahi ke ed-anak, egkereg̵enan a zaan te ked-isipa ku keniyu su egkesuatan ku he meg̵aan niw itug̵ut he iyan ebayàbayà keniyu si Kristu.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Gelasya 6:4

Deyzey ke ebpurungan edsusiya te uman sevaha is menge ulaula zin. Ne emun meupiya, egkehimu he ibmeupiya te g̵ehinawa zin. Iyan, kenè din isukud is menge ulaula te zuma zin te kandin he ulaula.

Kulusas 4:13

Iyan igkekeg̵iya ku kayi ziyan te keniyu su egkesuatan ku he metueni niw he zekelà is kedhag̵ù ni Ipapras wey kew mezeyzey ne kenà iyan kew zà, kekenà, ragkes daan is menge tumutuu ziyà te inged he Leudisiya wey ziyà te inged he Hirepulis.

1 Tiselunika 2:8

Utew kew mahal kayi te g̵ehinawa zey, umba kenà iyan dey zà egkesuatan is kedweliyi zey keniyu te Meupiya he Tudtulanen he ebpuun te Megbevayà, kekenà, ebpekid-uunungen key en daan keniyu su utew zey sikiyu minahal.

1 Tiselunika 5:13

Kinahanglan he utew niw sikandan tehuza wey mahala tenged te menge vaal zan diyan te keniyu. Ne kinahanglan he melinew is kedepitè niw te kada sevaha.