Gelasya 4:12 - Manobo Western Bukidnon

¹² Menge suled, edhengyuan ku sikiyu he ul-ulaha niw is mid-ulaula ku su siak is Hudiyu, mid-engkezan ku en is kedserig̵i te kesug̵uan te menge Hudiyu. Nehimu a he iring keniyu zengan te kenà menge Hudiyu. Tutuu iyan he wazà a keniyu meselai, kekenà, mibpurungan a keniyu.

Gelasya 4:12 Кръстосани препратки

Nengeulaula 21:21

Nezineg dan is tudtul he is menge zuma tew he Hudiyu he ziyà te menge inged te kenà menge Hudiyu, impenurù nu kandan he engkezi zan is kedtumana zan te kesug̵uan he imbilinbilin dengan ni Moises. Impenurù nu kun kandan he kenè dan sirkunsidara is menge anak dan he maama ne kenè dan en sunuza is menge vetasan tew te menge Hudiyu.

2 Kurintu 2:5

Ne haazà is etew he nekesalà diyan, kenà a iyan neselaan din, kekenà, iyan kew, ne emun kenà, ne iyan is duma keniyu. Kenè ku egkesuatan he utew mesekiti is gehinawa zin pinaag̵i te menge lalag ku.

2 Kurintu 6:11

Sikiyu is menge suled ku ziyan te Kurintu, wazè dey ieles keniyu is isip dey. Layun kew mahal zini te g̵ehinawa zey.

2 Kurintu 6:13

Edlelag̵an ku en sikiyu he iring te menge anak ku. Kinahanglan he mahala key zaan diyan te g̵ehinawa niw.

Gelasya 2:14

Ne hein nesavut ku he ed-ul-ulahan dan is supak te tutuu he impenurù te Meupiya he Tudtulanen, migkeg̵iyan ku si Pedro ziyà te etuvangan te langun kandan, ke siak te, “Sikew, Pedro, sikan is menge tumutuu he kenè tew zuma he Hudiyu, maan is ibpetuman nu kandan is kesug̵uan tew te menge Hudiyu? Su minsan Hudiyu ka, mid-engkezan nu en is kedtumana nu kayi he kesug̵uan,” ke siak.

Gelasya 4:11

Utew ku sikiyu igkeipeng su kela ke kenà ebpulus is langun he impenurù ku keniyu.

Gelasya 4:13

Netuenan niw he umba nehimu is aney ku en kebpenudtuli keniyu te Meupiya he Tudtulanen su nezeruwan a.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.

Gelasya 6:18

Menge suled, berakat he ikeg̵ag̵ew kew is langun te Nengazen tew he si Jesu Kristu. Iyan a si Pablo.