Gelasya 4:1 - Manobo Western Bukidnon

¹ Penenglitan duen anak he minatey is amey zin te vatè pa utew sikandin. Ne minsan pa te sumusunud sikandin te langun he azen te amey zin he minatey, ne zutun te vatè pa sikandin, iring sikandin te sulug̵uen dà su zuen pa ebayàbayà kandin.

Gelasya 4:1 Кръстосани препратки

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Gelasya 4:2

Duen ed-uyamu kandin he ebantey zaan dutun te menge azen din taman te kenè pa egketuman is timpu he midtelaan te amey zin, ne human sikandin ebpekezawat te keg̵ehem te kebayàbayà te menge azen din.

Gelasya 4:23

Is ked-enaka te anak te vahi he uripen, ne iring ded te ked-enaka te minsan hengkey he vatà, iyan, kes ked-enaka zutun te sevaha he in-anak te vahi he kenà uripen, ne kenà egkehimu emun wazà ipenaad te Megbevayà diyà te ki Abraham.

Gelasya 4:29

Ne zutun he timpu zengan, haazà is anak ni Abraham he in-anak pinaag̵i zà te kelibutanen he paag̵i te kegkevuwad, midhimu zin he mereg̵eni is hazi zin he in-anak pinaag̵i te tavang te Wag̵as he Mulin-ulin. Ne iring din guntaan edregreg̵enen kiw te menge etew he neuripen te kedtumana te kesug̵uan.

1 Juan 5:10

Is minsan hentei he edtuu he Anak te Megbevayà si Jesus, nevenaran sikandin te kebpenistig̵us te Megbevayà. Is minsan hentei he kenà edtuu te kebpenistig̵us te Megbevayà, ed-isipen din he teruen is Megbevayà su wazè din tuuwi is kebpenistig̵us te Megbevayà mehitenged te Anak din he si Jesus.