Gelasya 3:8 - Manobo Western Bukidnon

⁸ Daan he migkag̵i is Megbevayà diyà te insurat he lalag din he minsan is menge etew he kenà menge Hudiyu, ne ed-isipen din sikandan he metazeng emun edtuuwan dan sikandin. Impesavut din he zaan ki Abraham is Meupiya he Tudtulanen, ke sikandin te, “Tenged te midtuu ka te migkag̵i ku, midtuvazan ku sikew. Ne pinaag̵i zaan kayi te kedtuu nu edtuvazan ku is tivuuk he menusiyà dini te kelibutan.”

Gelasya 3:8 Кръстосани препратки

Juan 19:37

Wey zuen daan insurat he tagnà he edhenduen te, “Edtengtengan dan is etew he mibpilak dan.”

Juan 7:38

Su,” ke si Jesus, “sumalà is insurat he Lalag te Megbevayà, ‘Ke zuen edtuu kediey, ne edtudà puun te g̵ehinawa zin is wahig he ebpekeveg̵ey te untung he wazà pidtemanan.’ ”

Juan 7:42

Su,” ke sikandin, “impesavut te insurat he Lalag te Megbevayà he is hadì he mibpilì te Megbevayà, ne kevuwazan te hadì dengan he si David, ne ziyè kun id-anak te inged he Bitlihim he inged daan dengan ni Hadì David.”

Nengeulaula 2:35

taman te kenè ku pa ibpeluhud diyà te kenikew is menge kuntada nu.’’ ’

Ruma 9:17

Iyan, emun iyan egkesuatan din egkehimu he kenè din egkehizuwan is etew, su penenglitan kes hadì dengan diyà te Ihiptu, wazà sikandin mehizuwi te Megbevayà su migkeg̵iyan sikandin te Megbevayà te, “Umba midhimu ku sikew he hadì su wey pinaag̵i te kegkezaag̵a ku kenikew ibpeehè ku is dekelà he g̵ehem ku ne wey mevantug a zini te tivuuk he kelibutan.”

Ruma 9:30

Ne iyan ibpesavut ku kayi is: is menge etew he kenà menge Hudiyu, minsan pa te wazà metag̵ù diyà te isip dan he egkehimu he meisip sikandan he metazeng te Megbevayà, duen menge zuma kandan he pinaag̵i te kedtuu zan mid-isip sikandan gihapun he metazeng.

Gelasya 3:16

Ne iring din ded daan su zuen impenaad te Megbevayà diyà te ki Abraham wey ziyà te kevuwazan ni Abraham he egkeug̵et pa zutun id-anak. Wazè din iyan keg̵iya he zuen penaad din diyà te menge kevuwazan ni Abraham su kenà mezakel is egkeg̵iyen din, kekenà, ke sikandin diyà te ki Abraham te, “diyà te kevuwazan nu.” Umba migkag̵i zin heini su sebsevaha zà he etew zutun te kevuwazan ni Abraham is ibpesavut din he iyan si Kristu.

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 4:30

Ne hengkey is sambag te insurat he Lalag te Megbevayà? Duen insurat he lalag din he edhenduen te, “Ipaawè nu is bahi he uripen wey is anak din su is anak te uripen, kenà egkehimu he ebeg̵ayan sikandin te menge azen te amey zin. Iyan dà ebpekeangken kayi is anak te vahi he kenà uripen.”

Hibriyuhanen 4:2

Su sikitew, nezineg tew zaan is kebpenudtula te Meupiya he Tudtulanen iring te menge g̵in-epuan tew zengan. Iyan, minsan te nezineg dan is impesavut kandan te Megbevayà, wazà pulus kayi ziyà te kandan su zutun te kegkezineg̵a zan kayi, wazè dan tuuwi.

Impezayag 11:15

Ne zutun midhiyup te ikepitu he velinsug̵uen is budyung din ne ziyà te langit nezineg is memezag̵ing he lag̵eng he edhenduen te, “Is kedhedii te tivuuk he menusiyà, ne ziyè en guntaan te Nengazen tew wey ziyà te hadì he mibpilì din. Ne heini he hadì, ebpekehadì sikandin te wazà pidtemanan.”