Gelasya 3:5 - Manobo Western Bukidnon

⁵ Is Megbevayà, hein imbeg̵ey zin keniyu is Wag̵as he Mulin-ulin ne impeehè din diyan te keniyu is menge egkein-inuwan, wazè din iyan iveeli zutun is tenged te edtumanen niw is kesug̵uan, kekenà, tenged dà te nezineg niw ne midtuuwan niw is Meupiya he Tudtulanen.

Gelasya 3:5 Кръстосани препратки

Nengeulaula 14:3

Ne malù netegteg̵aad is ked-ubpà te menge epustul, si Pablo wey si Bernabe, dutun te Ikunya. Wazè dan ikehandek is kedsengyawa zan te keag̵i te Nengazen. Ne midtuvazan sikandan te Nengazen su mibeg̵ayan din sikandan te g̵ehem wey zan ikepaahà is menge singyal wey egkein-inuwan he iyan timaan he tutuu is impenudtul zan he g̵ag̵ew te Nengazen.

Ruma 10:17

Ne wey zà ebpeketuu is etew emun egkezineg din is kebpesevuta te tutuu he tuluuwen, ne is tutuu he tuluuwen, ne iyan is kebpesavut mehitenged ki Kristu.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

1 Kurintu 12:10

Ne ziyè pa te sevaha, ibeg̵ey zaan te Wag̵as he Mulin-ulin is gehem wey mekehimu sikandin te menge egkengein-inuwan; ne ziyà te zuma pa ibeg̵ey is ketau te kedseysaya te impesavut kandin te Megbevayà; ne te zuma pa ibeg̵ey kandin is kegketueni te ed-ulin, ke ebpuun be te Megbevayà is ed-ulin wey ke mezaat he mulin-ulin ve haazà. Ne zuen daan menge etew he ebeg̵ayan te Megbevayà te ketau te kegkag̵i te kineg̵iyan he kenè dan egketuenan. Ne zuen daan menge etew he ibeg̵ey kandan is ketau te kedluwas duen te egkeg̵iyen kayi.

2 Kurintu 10:4

Su is menge ketezengan, he ke và dà gumaan, he idsukul zey te mezaat, ne kenà ebpuun te etew, kekenà, mekeg̵eg̵ehem utew su ziyà ebpuun te Megbevayà. Ne heini is menge ketezengan, kenà egkesukulan te minsan hengkey he tarù he ketezengan he igkuntada te Megbavayà minsan ke utew melig-en.

2 Kurintu 12:12

Ne hein diyan a te keniyu impeehè ku keniyu he tutuu a he epustul ni Kristu su minsan nereg̵enan a, mid-antus a su wey ku ikepaahà is menge singyal wey menge egkengein-inuwan he iyan tuus te tutuu he epustul.

2 Kurintu 13:3

Dutun, ne egkevenaran kew human he is egkeg̵iyen ku keniyu, iyan is impekag̵i kediey ni Kristu. Ne kenà sikandin telawen, kekenà, emun duen ed-ul-ulahan din keniyu dekelà is gehem din he ibpeehè din keniyu.

2 Kurintu 3:8

Emun dekelà is gehem he impaahà dutun te kebeg̵aya zin te kesug̵uan, iyan pe be kenà tuwas pa he mekeg̵eg̵ehem is kebeg̵aya zin te Wag̵as he Mulin-ulin.

2 Kurintu 9:10

Ne is Megbevayà, iyan ebeg̵ey te venì diyà te ebpemula su wey zuen egkeenen. Is idtavang ta te zuma ne iring te ibpemula. Ibeg̵ey zin daan kenita is ibpemula, he ke và dà egkeg̵iya, is igketavang ta te zuma, su wey zuen dekelà he uzar ta he ebpuun te metazeng he ulaula ta ziyà te zuma.

Gelasya 3:2

Duen id-insè ku keniyu. Hengkey is paag̵i te kegkezewata niw te Wag̵as he Mulin-ulin? Nezawat niw ve is Wag̵as he Mulin-ulin tenged te kedtumana niw te kesug̵uan he imbilinbilin ni Moises? Wazà, su netuenan niw he imbeg̵ey keniyu te Megbevayà is Wag̵as he Mulin-ulin tenged dà te nezineg niw ne midtuuwan niw is tudtul mehitenged te nehimu ni Jesus.

Pilipus 1:19

Kenà egkeawà is kelipey ku su netuenan ku he ibpaawà a kayi te pirisuwan tenged te ked-empua niw kedì wey tenged te tavang te Wag̵as he Mulin-ulin he midtevangan din daan si Jesu Kristu.