Gelasya 3:23 - Manobo Western Bukidnon

²³ Ne te wazè pa ipezayag kenitew he egkekuwa tew is untung pinaag̵i te kedtuu ki Jesus, iring te nepirisu kiw te kesug̵uan. Nehimu is kesug̵uan he iring te guwardya he ebantey kenitew wey kiw kenà mekeawà taman te kenè pa ibpezayag kenitew is paag̵i he iyan is kedtuuwi ki Jesu Kristu.

Gelasya 3:23 Кръстосани препратки

Juan 3:34

Ne is midsug̵ù te Megbevayà, egkeg̵iyen din is ibpekag̵i kandin te Megbevayà su is Megbevayà, mibpepurungan din sikandin peulini te Wag̵as he Mulin-ulin.

Ruma 11:32

Su is Megbevayà, ne impeehè din he mesinupaken wey zait he edsilutan is minsan hentei he menusiyà. Impeehè din heini su wey, pinaag̵i kayi, mehimu zaan he egkehizuwan din sikandan is langun.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Gelasya 3:19

Ne emun iyan heini, ne hengkey is pulus te kesug̵uan? Ibpesavut ku keniyu is pulus din. In-uman te Megbevayà is kesug̵uan su wey zin ipesavut kenita ke hengkey is mezaat he ulaula ta; ne egkesuatan din he zutun dà taman is kedserig̵i te kesug̵uan te kebpekeuma te kevuwazan ni Abraham he iyan si Kristu he iyan mibpenaazan te Megbevayà. Midsug̵ù te Megbevayà is menge velinsug̵uen din he ebpuun diyà te langit wey zan ikeveg̵ey is kesug̵uan diyà te ki Moises. Ne si Moises, nehimu sikandin he zatù te pid-elangan su imbeg̵ey zin daan is kesug̵uan diyà te menge etew.

Gelasya 4:21

Sikiyu is egkesuat he ebpezizalem te kedtuman te kesug̵uan, ibpesavut ku keniyu ke hengkey is kehulug̵an kayi.

Gelasya 5:18

Iyan, ke ebpesakup ki te Wag̵as he Mulin-ulin, kenè ki egkesakup te kesug̵uan he imbilinbilin ni Moises.

Hibriyuhanen 11:13

Ne heini sikandan he neketuu te Megbevayà, pudu zan minatey te wazè dan pa mezawat haazà is impenaad kandan te Megbevayà he egkeangken dan haazà is tanà. Ne minsan pa zutun te wazè dan pa mezawat haazà is impenaad te Megbevayà, wazè dan engkezi is kedtuu zan su netuenan dan he egkeug̵et pa zutun egkezawat dan is ebperetengen dan he impenaad te Megbevayà. Ne ingkepesavut dan he kenà sikandan hustu he meg̵inged dini te kelibutan su iyan hustu he inged dan is langit.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.