Gelasya 3:22 - Manobo Western Bukidnon

²² Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 3:22 Кръстосани препратки

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

Juan 12:46

Umba midhendini a is kerayag te kelibutan su wey ku meteyawi is isip te menge etew. Ne ke zuen edtuu kedì, kenè en egkerusireman is isip din.

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Juan 5:24

Utew venar is egkeg̵iyen ku he is minsan hentei he ebpemineg te menge lalag ku ne edtuu te Megbevayà he midsug̵ù kediey zini, iyan ebpekeangken te untung he wazà pidtemanan. Kenà sikandin keuzemà edsilutan su nekelikey en te kemetayen is gimukud din wey naangken din en is untung he wazà pidtemanan.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Nengeulaula 16:31

Ne midtavak dan te, “Tuu ka te Nengazen he si Jesus ne egkelibri ka, ne egkelibri zaan is pemilya nu ke edtuu zan.”

Ruma 10:9

Ne emun edtudtulen niw ziyà te zuma he iyan en Nengazen si Jesus, ne emun hustu is kedtuuwi niw he mibanhew sikandin te Megbevayà, egkelibri kew te silut te Megbevayà.

Ruma 11:32

Su is Megbevayà, ne impeehè din he mesinupaken wey zait he edsilutan is minsan hentei he menusiyà. Impeehè din heini su wey, pinaag̵i kayi, mehimu zaan he egkehizuwan din sikandan is langun.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Ruma 3:23

Nekesalà is tivuuk he menusiyà ne utew en sikandan meziyù te ketulusan he ibeg̵ey te Megbevayà.

Ruma 5:12

Umba nehimu is mezaat he ulaula zini te kelibutan su pinaag̵i te kedsupak dengan te sevaha he etew he si Adan, ne midhimu te Megbevayà he ebpatey sikandin tenged dutun te mid-ulaula zin. Ne tenged daan dutun nekeeneb dini te kelibutan is kemetayen. Ne ebpatey is minsan hentei he etew su wazà minsan hentei he kenà ed-ulaula te mezaat.

Gelasya 3:14

Ne umba mibpehimatey si Jesu Kristu te iring dutun su wey pinaag̵i kandin ikeveg̵ey zaan diyà te menge etew he kenà menge Hudiyu is ketazeng he intuvad te Megbevayà ki Abraham. Ne pinaag̵i zutun sikitew is langun he edtuu ki Jesus, ebeg̵ayan kiw zin te Wag̵as he Mulin-ulin he impenaad dengan te Megbevayà.

Gelasya 3:17

Iyan ibpesavut ku kayi is: duen untung he wazè pidtemanan he impenaad te Megbevayà ki Abraham he kenà duwazuwa he edtumanen din su midlig-enan din. Daan en heini is penaad te wazè pa is kesug̵uan he imbilinbilin ni Moises su neug̵et pa zutun si Moises su menge heepat pa he g̵atus wey ketluan he tuig. Ne kenà egkehimu he egkeawà is penaad te Megbevayà pinaag̵i te kesug̵uan he imbilinbilin ni Moises. Kenà egkehimu he kenè edtumanen te Megbevayà is penaad din.

Gelasya 3:23

Ne te wazè pa ipezayag kenitew he egkekuwa tew is untung pinaag̵i te kedtuu ki Jesus, iring te nepirisu kiw te kesug̵uan. Nehimu is kesug̵uan he iring te guwardya he ebantey kenitew wey kiw kenà mekeawà taman te kenè pa ibpezayag kenitew is paag̵i he iyan is kedtuuwi ki Jesu Kristu.

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

2 Timoteo 1:1

Sikew, Timoteo he iring te anak ku su utew ku minahal, ebpesuratan ku sikew. Iyan a si Pablo he epustul ni Jesu Kristu, he ke và dà egkeg̵iya, sulug̵uen e zin. Midsug̵ù a te Megbevayà wey ku ipenudtul is untung he wazà pidtemanan. Iyan heini sikan is impenaad din he untung he nekuwa te en pinaag̵i te kebpekidsevaha ta ki Jesu Kristu. Berakat he ikeg̵ag̵ew ka wey kehizuwi ka te Amey tew he Megbevayà wey te Nengazen tew he si Jesu Kristu wey veg̵ayi ke zan te melinawen he kebpekesavuk.

Hibriyuhanen 9:15

Ne tenged kayi zaan nehimu en si Kristu he zatù tew su wey zin metukud is beg̵u en he paag̵i te kebpekidsevaha tew te Megbevayà. Ne pinaag̵i kayi, is langun he midhimu te Megbevayà he meketuu, egkezawat dan is langun he meupiya he wazè din pidtemanan he impenaad te Megbevayà. Umba egkehimu heini su pinaag̵i te kebpatey ni Kristu nengepalis is langun he menge mezaat he ulaula he nehimu te menge etew zutun te timpu he nengesakup sikandan te nehuna he paag̵i.

2 Pedro 1:4

Iyan heini kedtumana zin te penaad din he utew zekelà wey mahal is idtuvad din kenitew. Umba impenaad din heini su wey mekeiring is menge ulaula tew te menge ulaula te Megbevayà ne mekelikey kiw zini te kelibutan te kedtumana te menge mezaat he kebayè tew su ebpekezezaat heini kenitew.

2 Pedro 3:13

Iyan, sikitew mulà, ebperetengen ta is beg̵u en he tanà wey langit he impenaad kenitew te Megbevayà. Iyan dà ebpekeubpà dutun is memetazeng is ulaula zan.

1 Juan 2:25

Su iyan impenaad kenitew ni Kristu is untung he wazà pidtemanan.