Gelasya 3:17 - Manobo Western Bukidnon

¹⁷ Iyan ibpesavut ku kayi is: duen untung he wazè pidtemanan he impenaad te Megbevayà ki Abraham he kenà duwazuwa he edtumanen din su midlig-enan din. Daan en heini is penaad te wazè pa is kesug̵uan he imbilinbilin ni Moises su neug̵et pa zutun si Moises su menge heepat pa he g̵atus wey ketluan he tuig. Ne kenà egkehimu he egkeawà is penaad te Megbevayà pinaag̵i te kesug̵uan he imbilinbilin ni Moises. Kenà egkehimu he kenè edtumanen te Megbevayà is penaad din.

Gelasya 3:17 Кръстосани препратки

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Nengeulaula 7:6

Ne migkag̵i kandin is Megbevayà te, ‘Is kevuwazan nu, diyè dan keuzemà ebpekeubpà te kenà kandan he inged. Ne egkeuripen sikandan te meg̵inged dutun ne mezaat is ed-ul-ulahan kandan. Ne emun egketapus is heepat he g̵atus he tuig,

Ruma 3:25

Midsug̵ù sikandin te Megbevayà wey mehimu sikandin he pemuhat he elili kenitew, ne tenged te kegkepelisi kenitew te lengesa zin ebpeseyluwen te Megbevayà is menge salè tew emun edtuuwan tew sikandin. Midhimu heini te Megbevayà su wey tew mesavut he metazeng is hukum din, minsan pa zengan tenged te meinentusen sikandin, wazè din dè pa siluti is menge etew tenged te menge salè dan.

Ruma 3:3

Ne minsan pa te zuen menge zuma zey te menge Hudiyu he wazà mebpemineg te Lalag te Megbevayà, kenà egkehimu he kenà edtumanen te Megbevayà is impenaad din dengan.

1 Kurintu 1:12

Iyan ibpesavut ku is: selakew kun is edtindeg̵an te uman sevaha te sikiyu su egkag̵i kun is sevaha he iyan a si Pablo is edsundanan din. Ne egkag̵i is sevaha he si Epulus mulà is edsundanan din. Ne egkag̵i is sevaha he iyan kandin he edsundanan si Pedro. Ne egkag̵i is sevaha he si Kristu mulà is kandin.

1 Kurintu 1:17

Su si Kristu, wazè e zin sug̵ua wey a mekebewtismu, kekenà, iyan insug̵ua zin kedì su wey ku ikesangyew is Meupiya he Tudtulanen. Ne impesavut din kedì he kinahanglan he kenè ku egemiten is kelibutanen he ketau te kegkag̵i su kela ke egkevenaran is menge etew tenged te ketau ku ne egketembunan is gehem ni Kristu te kedlibriya kandan pinaag̵i te kebpatey zin duen te krus.

1 Kurintu 10:19

Iyan ibpesavut ku kayi is: baal zà te etew is ledawan he ed-ezapen te menge etew ne ke zuen egkeenen he ibpemuhat dutun, ne egkeenen dà duen su kenà tutuu he ed-ezapen haazà is ledawan.

1 Kurintu 7:29

Su ibpesavut ku keniyu, menge suled, he mevavè dà utew is timpu tew ne tenged kayi, puun guntaan is etew he zuen esawa zin, ne kinahanglan he tumana zin is ebpeveelan kandin te Nengazen he iring te wazè din esawa.

2 Kurintu 1:20

Su pinaag̵i kandin edtumanen is langun he menge penaad te Megbevayà. Ne tenged kayi ebpekekag̵i kiw he venar iyan he metinumanen sikandin ne tenged kayi egkezalig is Megbevayà.

2 Kurintu 9:6

Kenè niw lipati heini is sempità he emun deisek is ibpemula ta, deisek daan is egkerag̵un ta, ne emun dekelà is ibpemula ta, dekelà daan is egkerag̵un ta.

Gelasya 3:15

Menge suled, duen penenglitan he ibpesavut ku keniyu. Su ke zuen ibpenaad te sevaha he etew he insurat diyà te dukumintu he mibpirmahan din ne mibpirmahan daan te menge tistig̵us, ne kenà egkehimu he edhelinan wey ed-umanan haazà te minsan hentei su nelig-enan.

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Gelasya 5:16

Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

Ipisu 2:12

Netuenan niw he zengan wazè niw upakat ki Kristu ne wazè kew iragkes te menge etew he pinilì te Megbevayà. Wazè kew zaan mekeambit duen te menge meupiya he impenaad te Megbevayà kandan. Wazà egkepaabut niw he tavang te Megbevayà ne kenà duen dà taman su wazè niw metueni ke hentei is tutuu he Megbevayà dini te kelibutan.

Ipisu 4:17

Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.

Kulusas 2:4

Egkeg̵iyen ku heini su wey wazà mekekabig keniyu he minsan hentei pinaag̵i te menge ketezengan he henduen be te hustu, iyan, tarù.

Hibriyuhanen 11:13

Ne heini sikandan he neketuu te Megbevayà, pudu zan minatey te wazè dan pa mezawat haazà is impenaad kandan te Megbevayà he egkeangken dan haazà is tanà. Ne minsan pa zutun te wazè dan pa mezawat haazà is impenaad te Megbevayà, wazè dan engkezi is kedtuu zan su netuenan dan he egkeug̵et pa zutun egkezawat dan is ebperetengen dan he impenaad te Megbevayà. Ne ingkepesavut dan he kenà sikandan hustu he meg̵inged dini te kelibutan su iyan hustu he inged dan is langit.

Hibriyuhanen 7:18

Ibpesavut kenitew kayi he is daan he kesug̵uan, in-awè en te Megbevayà su wazè din pulus ne kenà ebpeketavang kenitew te menusiyà,

1 Pedro 1:20

Te wazè pa limbag̵a is kelibutan, daan en si Kristu he intezù te Megbevayà wey mehimu he Menluluwas tew. Ne kayi te timpu g̵untaan, impezayag sikandin wey kiw mevelukasi.