Gelasya 3:12 - Manobo Western Bukidnon

¹² Iyan, ke zuen etew he egkepurung din egketuman is langun he sug̵ù dutun te kesug̵uan, kenè en kinahanglan he edtuu pa sikandin wey meveg̵ayi te untung he wazè din pidtemanan, su zuen insurat he Lalag te Megbevayà he edhenduen te, “Is etew he egkepurung din egketuman is langun he sug̵ù dutun te kesug̵uan, ebeg̵ayan sikandin te untung he wazè din pidtemanan.”

Gelasya 3:12 Кръстосани препратки

Mateo 19:17

Ne midtavak si Jesus te, “Maan is id-insè nu kedì is meupiya he ed-ul-ulahan he sebsevaha zè man is ed-ulaula te meupiya ne wazè en duma, kekenà, iyan dà is Megbevayà. Ke egkesuat ka he meveg̵ayi ka te untung he wazè din pidtemanan, tumana nu is menge sug̵ù te Megbevayà.”

Ruma 11:6

Umba mibpilì din sikandan su tenged dà te g̵ag̵ew zin kandan ne kenà tenged te mid-ulaula zan te egkesuatan din. Ne emun suhul kandan haazà is kebpilia zin kandan tenged te menge ulaula zan he meupiya, ne kenà egkehimu he tenged te g̵ag̵ew zin dà mibpilì din sikandan.

Ruma 4:14

Su emun iyan dà ebpekezawat kayi te impenaad te Megbevayà is etew he edtuman te kesug̵uan, wazè en pulus te kedtuu tew te Megbevayà, ne wazè en daan pulus te penaad te Megbevayà su wazà minsan hentei he ebpeketuman te kesug̵uan.

Ruma 4:16

Umba midhimu te Megbevayà he egkezawat tew is impenaad din pinaag̵i zà te kedtuu tew su wey mehimu heini pinaag̵i te g̵ag̵ew zin, ne kenà pinaag̵i te ed-ul-ulahan tew. Ne tenged kayi kenè en ebperis he egkezawat tew te langun he menge kevuwazan ni Abraham is impenaad te Megbevayà. Ne kenà iyan dà ebpekezawat is menge Hudiyu he nesakup te kesug̵uan, kekenà, elin daan is minsan hentei he zuen din kedtuu he iring ki Abraham su nehimu si Abraham he kepuun te langun he edtuu, Hudiyu se kenà Hudiyu.

Ruma 7:10

Umba nehimu is kesug̵uan he imbeg̵ey te Megbevayà su wey mekeangken is menge etew te untung he wazè din pidtemanan emun kenè dan edsupaken. Iyan, nehimu en he iyan idsiluti kedì is kesug̵uan su nesupak ku.