Gelasya 2:8 - Manobo Western Bukidnon

⁸ Su is Megbevayà, mid-ulinan din si Pedro wey mehimu sikandin he epustul he iyan ebpenudtul ziyà te menge Hudiyu, ne iring din ded, mid-ulinan e zin daan wey a mehimu he epustul he iyan sug̵ù din diyà te menge etew he kenà menge Hudiyu.

Gelasya 2:8 Кръстосани препратки

Nengeulaula 1:25

he mehimu he epustul he id-ilis ki Hudas. Su si Hudas, mid-engkezan din kes mibpeveelan kandin ne midhendiyè en te hustu he ed-ulian din.”

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 15:12

Ne zutun, wazè en midtavak; ne mibpemineg dan is tudtul ni Bernabe wey si Pablo te langun he egkengein-inuwan he mibeelan te Megbevayà pinaag̵i kandan hein diyè dan te kenà menge Hudiyu.

Nengeulaula 19:26

Siguradu neehè niw wey nezineg niw en is ebeelan kayi te etew he egngezanan ki Pablo. Egkeg̵iyen din he is menge ziwata he ebeelan te etew, kenà hustu he ed-ezapen. Mezakel is menge etew he nemeketuu te egkeg̵iyen din ne kenà dini zà te inged tew he Ipisu, kekenà, te tivuuk he prubinsya tew he Asya.

Nengeulaula 21:19

Ne mibpengemusta kandan si Pablo ne zutun mibpenudtul zin kandan is langun he nengehimu te Megbevayà diyà te menge etew he kenà menge Hudiyu, pinaag̵i te kedwali zin.

Nengeulaula 22:21

Ne migkag̵i en maan is Nengazen te, ‘Genat ke en su edsug̵uen ku sikew ziyà te meziyù wey nu ikepesavut is lalag ku ziyà te kenà menge Hudiyu.’ ”

Nengeulaula 4:4

Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.

Nengeulaula 8:17

Ne midepenetan sikandan ni Pedro wey ni Juan ne puun dutun mid-ulinan sikandan te Wag̵as he Mulin-ulin.

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

1 Kurintu 9:2

Ne minsan ke kenà ebpeketuu is duma he epustul a, sikiyu is diyan te Kurintu, netuenan niw en he epustul a su kenà egketarù he pinaag̵i kedì mibeg̵ayan kew en te veg̵u en he untung.

Gelasya 3:5

Is Megbevayà, hein imbeg̵ey zin keniyu is Wag̵as he Mulin-ulin ne impeehè din diyan te keniyu is menge egkein-inuwan, wazè din iyan iveeli zutun is tenged te edtumanen niw is kesug̵uan, kekenà, tenged dà te nezineg niw ne midtuuwan niw is Meupiya he Tudtulanen.

Kulusas 1:29

Siak, ebpenigudu a ebaal he edlig-enan te zekelà he zesen ni Kristu su wey metuman heini.

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.