Gelasya 2:18 - Manobo Western Bukidnon

¹⁸ Su emun edlikuan ku ne egkeg̵iyen ku he hustu he paag̵i haazà is kesug̵uan he mid-engkezan ku, igkepeehè ku pinaag̵i kayi he venar iyan he mekesesalà a su nesupak ku is kesug̵uan.

Gelasya 2:18 Кръстосани препратки

Ruma 14:15

Ne emun egkeenen niw haazà is kunaan din ke indawey, utew ibmesakit haazà te g̵ehinawa zin ne iring te wazè kew megeg̵awi. Ne kenà meupiya, emun egkepenulayan haazà is etew pinaag̵i te kegkaan niw zutun su zuma niw man he tumutuu ne mibpehimatey si Kristu he elili zaan kandin.

Ruma 2:25

Sikiyu is menge Hudiyu, kunaan niw ke zekelà is pulus te kebpesirkunsidar niw, ne zuen iyan pulus te kebpesirkunsidar ta emun egkepurungan ta te edtuman is kesug̵uan, iyan, ke kenè ta egkepurungan te edtuman is kesug̵uan ne iring ki zed te menge kenà Hudiyu he wazè mebpesirkunsidar.

Ruma 3:5

Ne zuen menge pilusupu he etew he egkag̵i te, “Emun ed-ulaula ki te mezaat, meupiya zaan haazà su emun egkeisip te menge etew is menge ulaula ta he mezaat, wey is menge ulaula te Megbevayà, siguradu egkesavut dan he utew mulà meupiya is menge ulaula te Megbevayà ne ebpekezalig dan te Megbevayà, ne utew haazà meupiya. Ne emun,” ke sikandan, “nehimu is meupiya tenged te mezaat he mid-ulaula ta, kenà metazeng is kedsiluti kenita te Megbevayà tenged te mid-ulaula ta he mezaat.” Ne pilusupu is menge lalag he iring kayi.

Gelasya 2:21

Kenà egkehimu he kenè ku edewaten is gag̵ew te Megbevayà kedì su ke egkehimu he ed-isipen ki zin he metazeng pinaag̵i te kedtumana ta te kesug̵uan, wazè bes pulus te kebpehimatey ni Kristu!”

Gelasya 5:11

Menge suled, duen egkag̵i he wazè ku pa engkezi is penurù he kinahanglan he ebpesirkunsidar ki, iyan, emun tutuu heini, maan is kenà a ed-engkezan te ebpesipala te menge zuma ku he Hudiyu? Su emun ibpenurù ku he kinahanglan is kebpesirkunsidar, ne kenè dan egkepauk kediey minsan ke elin ku pa ibpenurù is kebpehimatey ni Jesus he elili kenitew.