Gelasya 2:17 - Manobo Western Bukidnon

¹⁷ Guntaan, egkesuatan ta he isipa ki te Megbevayà he metazeng pinaag̵i ki Kristu. Ne pinaag̵i te kedtuu ta kandin ibpesavut kenita he mesinupaken ki ves daan he iring te kenà menge Hudiyu. Ne emun iyan heini, ne sikita is Hudiyu, egkehimu ve he ebpekekag̵i ki he pinaag̵i ki Kristu nehimu ki en he mesinupaken? Kenà daan egkehimu!

Gelasya 2:17 Кръстосани препратки

Mateo 1:21

Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Lucas 20:16

Iyan is: ebeyaan din haazà is menge etew ne ebpenhimetayan din, ne ebpeelimahan din haazà is perasan din te selakew en maan he menge etew.” Ne hein nezineg dutun te menge etew he ebpemineg ki Jesus ne utew zan neseeng ne ke sikandan te, “Kenà heeyan ed-ul-ulahan te Megbevayà!”

Ruma 11:7

Ne g̵eina te iyan haazà, egkesavut ta he is menge kevuwazan ni Israyil, ebpurungan dan pezem ebpenahaa is kegkehimu kandan he metazeng, iyan, wazà mebpulus heini ziyà te kandan. Ne minsan pa zutun, duen kenà utew mezakel he menge zuma zan he nepilì te Megbevayà ne heini mulà, midhimu en sikandan he metazeng. Ne is kezekelan, migkubalan is gehinawa zan, ne kenà ed-utengan te Lalag te Megbevayà.

Ruma 15:8

Benar is egkeg̵iyen ku he si Kristu, nehimu sikandin he iring te sulug̵uen te menge Hudiyu su wey zin ikepaahà kandan he tutuu iyan he edtumanen te Megbevayà is menge penaad din dengan diyà te menge kepuun dan.

Ruma 3:4

Su minsan ke teruen is tivuuk he menusiyà, tutuu mulà is minsan hengkey he egkeg̵iyen te Megbevayà. Su zuen insurat dengan he lalag ni Hadì David te kedtistig̵usi zin te ketazeng te Megbevayà he edhenduen te, “Kenà egkehimu he kenà hustu is kenikew he ketezengan, su ke idsumbung ka, layun ebpekezaag is kenikew he ketezengan,” ke si David.

Ruma 3:6

Su kenà egkehimu he kenà metazeng is Megbevayà su emun kenà sikandin metazeng, kenà egkehimu he iyan sikandin edhukum keuzemà te tivuuk he menusiyà.

Gelasya 2:11

Ne malù pa neug̵et dutun nekeuma si Pedro ziyà te kenami, te ziyè key te inged he Entiyukya. Ne hein aney sikandin mekeuma, hustu is mid-ulaula zin su mid-amur he egkaan te menge tumutuu he kenà menge Hudiyu. Iyan, hein nekeuma is menge tumutuu he Hudiyu he midsug̵ù ni Santiago, midlikayan din he mekekaan duma te kenà menge Hudiyu. Ne midsawey ku sikandin su utew keladu he kenà hustu is ed-ul-ulahan din. Umba midlikayan din su nahandek sikandin su kela ke ikesewayi kandin haazà is ulaula zin dutun te menge tumutuu he Hudiyu he egkag̵i he kinahanglan he ebpesirkunsidar is menge tumutuu he kenà menge Hudiyu.

Gelasya 2:15

Ne impelaus ku haazà is lalag ku te, “Sikita is etew he in-anak he Hudiyu, ne kenè ki iring te menge etew he kenà Hudiyu he egngezanan ta he ‘menge mesinupaken’.

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.

Hibriyuhanen 8:2

Edtumanen din is kegkememumuhat din diyà te etuvangan te Megbevayà, diyà te tutuu he valey he ed-ezapan he wazà beeli te etew, kekenà, mibeelan te Megbevayà su ziyà te langit.

1 Juan 3:5

Netuenan niw en he umba mibpeetew si Kristu su wey zin maawà is menge salè tew. Ne netuenan niw zaan he wazà minsan sevaha he salà he nehimu zin wey egkehimu zin.