Gelasya 2:13 - Manobo Western Bukidnon

¹³ Ne iring din ded daan dutun is mid-ulaula te zuma he menge tumutuu he Hudiyu su midlikey zan daan, ne minsan si Bernabe, ne neuwit daan dutun.

Gelasya 2:13 Кръстосани препратки

Mateo 23:28

Iring kew zutun su emun ed-ahaan kew te etew henduen be te meupiya is ulaula niw, iyan, diyà te g̵ehinawa niw, dutun is kedtarùtarù wey kedsupak te sug̵ù te Megbevayà.

Nengeulaula 4:36

Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke và dà egkeg̵iya, ebpekeveg̵ey te kezesen te kedtuu.

1 Kurintu 12:2

Netuenan niw he zengan te wazè kew pa meketuu ki Jesus ne zuen ebpengelintau keniyu he mekeazap kew te menge ledawan, ne pinaag̵i kayi te menge wazè dan gehinawa he ledawan ne layun egketazin dengan is menge isip niw.

1 Kurintu 15:33

Iyan, kenè niw itug̵ut he meketuu kew te iring kayi su tarù. Tutuu iyan is erubasa he egkag̵i te, “Emun ebpekiduma ka te etew he mezaat is ulaula zin ne egkeiringan nu is ulaula zin wey ked-isip din.”

1 Kurintu 5:6

Maan is ebpegalbu kew? Netuenan niw is erubasa he edhenduen te, “Minsan ke zuen deisek dà he tapey ne egketepayan din is sengebisin en he erina he ebeelan he supas.”

1 Kurintu 8:9

Ne minsan pa zutun kinahanglan he purungi niw isipa heini is intug̵ut en keniyu su kela ke tenged keniyu egkesanggen is kedtuu te sevaha he wazè pa sikandin mekesavut te hustu.

Gelasya 2:1

Ne sepulù wey heepat pa he tuig dutun ne human a medlikù diyà te Hiruselim. Mibpezumehè key ki Bernabe ne miduma ku zaan si Tito.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.