Gelasya 1:16 - Manobo Western Bukidnon

¹⁶ Ne hein neisip din he ibpekilala zin en kediey is Anak din he si Jesus su wey ku ikepenudtul is keag̵i ni Jesus diyà te menge etew he kenà menge Hudiyu, wazà a mebpepenurù te minsan hentei he etew;

Gelasya 1:16 Кръстосани препратки

Mateo 16:17

Ne migkag̵i si Jesus te, “Simon, anak ni Juan, midtuvazan ka te Megbevayà su wazè nu metueni heini pinaag̵i te etew, kekenà, impinted kenikew te Amey ku he ziyà te langit.

Mateo 26:41

Kenè kew lipezeng, kekenà, ampù kew wey kew mekelikey te menge penggezam keniyu. Edsunud is gehinawa niw, iyan, is lawa niw ne meluya.”

Nengeulaula 22:21

Ne migkag̵i en maan is Nengazen te, ‘Genat ke en su edsug̵uen ku sikew ziyà te meziyù wey nu ikepesavut is lalag ku ziyà te kenà menge Hudiyu.’ ”

Nengeulaula 5:42

Ne te kada andew ziyè dan gihapun te simbahan wey ziyà te menge valey is ebpenurù te Meupiya he Tudtulanen te keag̵i ni Jesus, sikan is mibpilì te Megbevayà he ibpahadì.

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

Ruma 1:5

Pinaag̵i ki Jesu Kristu midtuvazan a te Megbevayà su midhimu e zin he epustul, he ke và dà egkeg̵iya, sug̵ù, su wey mevantug si Jesus. Umba mid-ulaula zin heini su wey ku mepenurù is menge etew he kenà menge Hudiyu ziyà te minsan hendei he inged wey zan mekepemineg ne wey zan meketuu ki Jesu Kristu.

Ruma 11:13

Ne sikiyu is menge etew he kenà menge Hudiyu, duen egkeg̵iyen ku keniyu. Siak, epustul a he mibpilì te Megbevayà wey ku ikesangyew ziyan te keniyu is lalag din. Ne umba ebpurungan ku te edtuman is ebpeveelan din kediey,

1 Kurintu 15:50

Iyan ibpesavut ku, menge suled, is: heini is menge lawa tew he zuen kemetayen, ne kenà egkehimu he egkeragkes keuzemà te langun he edhedian te Megbevayà su haazà is lawa he zuen din kemetayen, kenà egkehimu he ebeg̵ayan te untung he wazà pidtemanan.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.

Gelasya 2:1

Ne sepulù wey heepat pa he tuig dutun ne human a medlikù diyà te Hiruselim. Mibpezumehè key ki Bernabe ne miduma ku zaan si Tito.

Ipisu 3:1

Ne tenged kayi te langun, siak si Pablo, is pirisu tenged te kedsundan ku ki Jesu Kristu, layun ku sikiyu id-ampù diyà te Megbevayà. Umba nepirisu a su insangyew ku is Lalag te Megbevayà diyan te keniyu te kenà menge Hudiyu.

Ipisu 6:12

Su kenà iyan edtebeken tew is menge etew zà duen, kekenà, iyan edtebeken tew is menge mezaat he kedesenan he ziyà ed-ubpà te langit wey is menge kenà egkeahà he hadì, wey menge egalen, wey menge ebayàbayà te langun he menge mezaat he etew he nesakup te kerusireman guntaan dini te kelibutan.

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.

1 Timoteo 2:7

Ne tenged kayi intezù e zin he epustul ne midsug̵ù e zin wey ku ipenurù heini. Kenà tarù heini is egkeg̵iyen ku, kekenà, tutuu. Midtezù e zin wey ku mepenurù is menge etew he kenà Hudiyu su wey zan meketuu te tutuu he tuluuwen.

2 Timoteo 1:11

Ne siak, midtezù a te Megbevayà wey a mehimu he epustul ne wey ku ikesangyew wey ipenurù haazà is Meupiya he Tudtulanen,

Hibriyuhanen 2:14

Ne sikitew is menge anak te Megbevayà, menge etew kiw zà duen he zuen din kemetayen. Ne tenged kayi mibpeetew zaan si Jesus wey mehimu sikandin he iring tew. Umba mid-ulaula zin heini su wey mehimu he ebpehimatey sikandin ne wey pinaag̵i te kebpatey zin mezaag din si Setanas he iyan mibayàbayà te kemetayen,