3 Juan 1:4 - Manobo Western Bukidnon

⁴ Iyan utew ku igkelipey is kegkezineg ku te tudtul he edtuman en te tutuu he tuluuwen is menge anak ku te kedtuu.

3 Juan 1:4 Кръстосани препратки

2 Kurintu 6:13

Edlelag̵an ku en sikiyu he iring te menge anak ku. Kinahanglan he mahala key zaan diyan te g̵ehinawa niw.

Gelasya 2:14

Ne hein nesavut ku he ed-ul-ulahan dan is supak te tutuu he impenurù te Meupiya he Tudtulanen, migkeg̵iyan ku si Pedro ziyà te etuvangan te langun kandan, ke siak te, “Sikew, Pedro, sikan is menge tumutuu he kenè tew zuma he Hudiyu, maan is ibpetuman nu kandan is kesug̵uan tew te menge Hudiyu? Su minsan Hudiyu ka, mid-engkezan nu en is kedtumana nu kayi he kesug̵uan,” ke siak.

Gelasya 4:19

Henduen be te menge anak ku en sikiyu su minahal ku sikiyu. Iring te edlised is bahi ke ed-anak, egkereg̵enan a zaan te ked-isipa ku keniyu su egkesuatan ku he meg̵aan niw itug̵ut he iyan ebayàbayà keniyu si Kristu.

1 Tiselunika 2:11

Netuenan niw he is mid-ulaula zey ziyà te kada sevaha keniyu, ne meupiya su iring te ed-ul-ulahan te amey ziyà te menge anak din.

Pilimun 1:10

edhengyuan ku sikew he peseyluwa nu si Unisimu. Tenged te kedtuu zin ki Kristu iring sikandin te tutuu en he anak ku su pinaag̵i kedì nehimu sikandin he tumutuu zini te pirisuwan.

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.

2 Juan 1:4

Nelipey ad utew su zuen menge anak nu he edtuman te tutuu he tuluuwen sumalà is insug̵ù kenitew te Amey tew he Megbevayà.