3 Juan 1:3 - Manobo Western Bukidnon

³ Nelipey a utew zutun te kebpekeuma zini te menge suled tew he ebpuun diyan su midtudtulan e zan he utew meheg̵et is kedhemeni nu te tutuu he tuluuwen wey uyun kun daan dutun is menge ulaula nu.

3 Juan 1:3 Кръстосани препратки

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

1 Kurintu 13:6

Emun mahal ziyà te g̵ehinawa ta is menge zuma he etew kenà ibmeupiya te g̵ehinawa ta is mezaat he ulaula su iyan igkelipey ta is menge metazeng he ulaula.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

Pilipus 1:4

Ne emun id-ampù ku sikiyu utew a egkelipey

2 Juan 1:2

Umba minahal zey sikiyu su g̵eina te midhamen kiw en te tutuu he tuluuwen ne heini is tutuu he tuluuwen, kenà egkeawà dini te kenitew te wazà pidtemanan.

2 Juan 1:4

Nelipey ad utew su zuen menge anak nu he edtuman te tutuu he tuluuwen sumalà is insug̵ù kenitew te Amey tew he Megbevayà.

3 Juan 1:10

Emun ebpekehendiyan a, edseyseyen ku keniyu is langun he mezaat he ed-ul-ulahan din, su kenà tutuu is menge memezaat he lalag din he ebpemekesug̵at kenami. Ne kenà duen dà taman su kenè din ed-elimahan is menge zuma ta he tumutuu ke ebpekeuma zan. Ne kenè din daan idtug̵ut he ed-elimahan sikandan te menge zuma zin he tumutuu ziyan. Is ed-elima mulà kandan, kenè din idtug̵ut he edtampu zan te kedsimba niw.

3 Juan 1:2

Minahal ku he suled, id-ampù ku sikew ziyà te Megbevayà he mebmeupiya is kebpekesavuk nu wey iveg̵ey kenikew is meupiya he lawa iring te imbeg̵ey zin daan kenikew is mezesen he kedtuu.

3 Juan 1:4

Iyan utew ku igkelipey is kegkezineg ku te tudtul he edtuman en te tutuu he tuluuwen is menge anak ku te kedtuu.

3 Juan 1:5

Minahal ku he suled, utew ka velig̵eg̵awen su mibpurungan nu is menge suled tew he midtuluy ziyan minsan te sikan nu pa sikandan mekilala.