3 Juan 1:14 - Manobo Western Bukidnon

¹⁴ Egkesuatan ku he kenè en utew egkeug̵et edhendiyan a ne human ki ebpekedlalag.

3 Juan 1:14 Кръстосани препратки

Juan 10:3

Emun edseled sikandin, ebpuwasan te ebantey zutun te g̵emawan. Ne is menge kerehidu zin he ziyà te seled, egkekilala zan is lag̵eng din ne ed-umawen din sikandan pinaag̵i te menge ngazan dan, ne ibpeg̵uwè din sikandan.

Juan 20:19

Ne hein mezukilem dutun te andew he Duminggu, netig̵um haazà is menge sumusundan diyà te sevaha he valey he midlekevan dan su nahandek dan te menge punuan he menge Hudiyu. Ne netekewtekew zan te ziyà si Jesus te teliwazè dan ne ke sikandin te, “Berakat he mebmelinawen kew.”

Juan 20:21

Ne mid-uman si Jesus megkag̵i ziyà te kandan te, “Mebmelinawen kew. Ne iring te midsug̵ù a te Amey tew he Megbevayà, edsug̵uen ku zaan sikiyu.”

Gelasya 5:16

Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Ipisu 6:23

Is Amey tew he Megbevayà wey is Nengazen tew he si Jesus, berakat he sikiyu is menge suled dey, tuvazi kew zan te melinawen he kebpekesavuk, wey ipeehè dan keniyu is kebmahala zan keniyu ziyà te g̵ehinawa zan wey heg̵eta zan is kedtuu niw kandan.

1 Pedro 5:14

Mebpelimlimuey kew. Mebmelinawen is gehinawa te uman sevaha keniyu he nekidsevaha ki Kristu.

2 Juan 1:12

Mezakel pezem is egkeg̵iyen ku keniyu, iyan, kenè ku egkesuatan te edsurat. Egkesuatan ku he ebpenumbaley a ziyan wey kiw mekedlelalag ne wey meheg̵et is kelipey tew.