2 Tiselunika 3:9 - Manobo Western Bukidnon

⁹ Duen dey ketenged te kebpesuhul keniyu, iyan, wazè key mebpesuhul, kekenà, midterebahu key su wey zuen ulaula zey he egkeiringan niw.

2 Tiselunika 3:9 Кръстосани препратки

Mateo 10:10

Kenè kew zaan med-uwit te sundang. Is ed-ilisan he sepatus wey kumbalà wey minsan tuked, ne kenè kew med-uwit. Su is sulug̵uen, ibeg̵ey ziyà te kandin is kinahanglan din.

Juan 13:15

Umba mid-ulaula ku heini kayi te keniyu su wey niw meiringi. Kinahanglan he mebpevayàbayà is kada sevaha keniyu te zuma zin.

1 Kurintu 4:16

Ne g̵eina te amey a keniyu, edhengyuan ku sikiyu he med-iring kew kediey.

Gelasya 6:6

Ne sikan is etew he ebpepenurù te Lalag te Megbevayà, kinahanglan he veg̵ayi zin is ebpenurù kandin te menge meupiya he nezawat din.

1 Tiselunika 2:6

Wazè key mebpezalig keniyu; wazè key zaan mebpezalig te zuma. Geina te menge epustul key ni Kristu, egkehimu he edsug̵ùsug̵ù key zaan keniyu, iyan, wazè dey heini ul-ulaha.

2 Tiselunika 3:7

Netuenan niw en is egkeveelan niw wey kew mekeiring te ebeelan dey. Su hein diyan key te keniyu kenè key tepulen.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.

1 Pedro 5:3

Kenè kew medhadìhadì kandan te insarig keniyu, kekenà, eg̵aka niw sikandan su wey iyan kew zan edsunuzen te menge meupiya he ulaula.