2 Tiselunika 3:7 - Manobo Western Bukidnon

⁷ Netuenan niw en is egkeveelan niw wey kew mekeiring te ebeelan dey. Su hein diyan key te keniyu kenè key tepulen.

2 Tiselunika 3:7 Кръстосани препратки

1 Kurintu 11:1

Ne tenged dutun, menge suled, iringi niw is ed-ul-ulahan ku, iring te ed-iringan ku zaan is mid-ulaula zengan ni Kristu.

1 Kurintu 4:16

Ne g̵eina te amey a keniyu, edhengyuan ku sikiyu he med-iring kew kediey.

Pilipus 3:17

Is langun te sikiyu, menge suled, purungi niw te ed-iring heini is menge ulaula ku. Iyan niw zaan iringi haazà is menge etew he iring is menge ulaula zan te kenami he ulaula.

Pilipus 4:9

Pen-ul-ulaha niw heini is langun he impenurù ku, wey impesavut ku keniyu pinaag̵i te menge lalag ku wey pinaag̵i zaan te menge ulaula ku. Ne zutun, is Megbevayà he iyan puunà te kelinew tew te wazè din pidtemanan, iyan ed-ulin keniyu.

1 Tiselunika 2:10

Ebpeketistig̵us kew, ne ebpeketistig̵us daan is Megbevayà he hein diyan key te keniyu te nemeketuu wazà igkesewayi te menge ulaula zey, kekenà, metazeng key wey metinumanen key te egkesuatan te Megbevayà.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.

2 Tiselunika 3:9

Duen dey ketenged te kebpesuhul keniyu, iyan, wazè key mebpesuhul, kekenà, midterebahu key su wey zuen ulaula zey he egkeiringan niw.

1 Timoteo 4:12

Minsan pa te menguhed ke pa, kinahanglan he mezait ka he edtehuzen te minsan hentei; kinahanglan he iyan ka ed-iringan te menge tumutuu ki Kristu, ne tenged kayi kinahanglan he tegteg̵ami nu is kegkag̵ikag̵i nu, is ulaula nu, is kebmahala nu te langun, is kedsarig nu te Megbevayà, wey is kedlikayi nu te meremerik he ulaula.

Tito 2:7

Sikew zaan, kinahanglan he layun meupiya is kenikew he ulaula su wey iyan ka meiringi te menge zuma nu. Ne emun ebpenurù ka, kinahanglan he hustu is tuyù nu wey sungkad te Lalag te Megbevayà is paag̵i nu te kebpenurù.

1 Pedro 5:3

Kenè kew medhadìhadì kandan te insarig keniyu, kekenà, eg̵aka niw sikandan su wey iyan kew zan edsunuzen te menge meupiya he ulaula.