2 Tiselunika 3:4 - Manobo Western Bukidnon

⁴ Tenged te kedsarig dey te Nengazen, netuenan dey he ebpenigudu kew pa edtuman te menge sug̵ù dey keniyu.

2 Tiselunika 3:4 Кръстосани препратки

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Ruma 15:14

Menge suled, netuenan ku en he layun meupiya is menge ulaula niw, ne netuenan ku zaan he nepurung niw en mesavut is Lalag te Megbevayà, ne egkehimu en he ebpekepenurù kew te zuma.

Ruma 15:18

Asal iyan dà igkepenudtul ku is nehimu ni Kristu pinaag̵i kediey. Su pinaag̵i kedì duen menge etew he kenà menge Hudiyu he edtumanen dan en is menge sug̵ù te Megbevayà. Nehimu heini pinaag̵i te impepenudtul kedì, pinaag̵i te impeulaula kedì,

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

1 Kurintu 14:37

Ke zuen etew he ed-isipen din he zuen ketau zin he imbeg̵ey te Wag̵as he Mulin-ulin, ne emun kenà, ne zuen ibpekag̵i kandin te Megbevayà, ne kinahanglan he ventayi zin is ibpesavut ku keniyu kayi te surat su kenà dini zà te kediey ebpuun heini he menge sug̵ù, kekenà, diyà te Nengazen.

1 Kurintu 7:19

Su minsan ke nesirkunsidar ki wey ke wazà ne wazè din pulus. Iyan, ke edtumanen ta is ebpeveelan kenitew te Megbevayà, ne zekelà is pulus din kenitew.

2 Kurintu 2:3

Umba, menge suled, iyan mibeelan ku zutun is mibpeuwitan ku zà sikiyu te surat. Su kenè ku zutun egkesuatan he ebpenumbaley a ziyan su netuenan ku he sikiyu is menge etew he kinahanglan pezem he iyan igkelipey ku, ne igkeseeng ku zutun. Ne netuenan ku zaan he emun egkelipey a, egkelipey kew zaan.

2 Kurintu 2:9

Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 8:22

Ne zuen pa suled tew he ibpezuma zey engki Tito. Mibpurungan ku sikandin susiya ne utew zekelà is gustu zin te edtavang te menge tumutuu, iyan, tuwas pa zekelà is gustu zin te edtavang keniyu g̵eina te zekelà is kedsarig din keniyu.

Gelasya 5:10

Ne minsan pa zutun, dekelà is kedsarig ku te Nengazen he pinaag̵i te kedtavang din keniyu, ebpemineg̵en niw zed is hustu he impenurù ku keniyu. Iyan, haazà is etew he nekesamuk te isip niw pinaag̵i te penurù din he tarù, siguradu he edsilutan sikandin te Megbevayà.

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

1 Tiselunika 4:10

Netuenan ku he ebmahalen niw en is menge tumutuu ziyà te tivuuk he prubinsya he Mesidunya. Ne edhengyuan dey pa sikiyu, menge suled, he ipeiseg niw pa is kebmahala niw ziyà te g̵ehinawa niw te langun.

2 Tiselunika 3:12

Tenged te keg̵ehem te Nengazen tew he si Jesu Kristu, idsug̵ù dey wey idhangyù dey kandan he kinahanglan he medterebahu zan ne kenè dan medsamuk su wey zan meketig̵ayun te igkeuyag dan.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.

Pilimun 1:21

Dekelà is kedsarig ku kayi te kebpesurati ku kenikew su netuenan ku he ebpemineg̵en a kenikew. Netuenan ku he zekelà is edhimuwen nu, kenà te idhangyù ku.