2 Tiselunika 3:15 - Manobo Western Bukidnon

¹⁵ iyan, kenè niw isipa he kuntada niw, kekenà, penurua niw he iring te suled niw.

2 Tiselunika 3:15 Кръстосани препратки

Mateo 18:15

Ne emun duen tumutuu he nekesalà kenikew, hendiyè ka te kandin ne keg̵iya nu ziyà te kandin is salè din kenikew. Iyan, kinahanglan he itavis nu kandin. Ne emun ebpekidhusayà sikandin, ebpeked-uliey kew te meupiya he g̵ehinawa.

1 Kurintu 4:14

Menge suled, kenà iyan igkeg̵iya ku kayi su wey kew meeled, kekenà, su wey ku sikiyu mepenurù su nehimu kew en he menge minahal he anak ku pinaag̵i te kedtuu niw ki Kristu.

1 Kurintu 5:5

engkezi niw sikandin, ne iveg̵ey niw sikandin diyà te ki Setanas su wey mezeeti is lawa zin ne human egkelibri is gimukid din te silut te Megbevayà keuzemà te andew te kedsusi te Nengazen tew he si Jesus.

2 Kurintu 10:8

Kenè en buwa kinahanglan he egkeg̵iyen ku keniyu he zuen kebayàbayà ku keniyu he imbeg̵ey kedì te Megbevayà. Iyan, ke henduen be te utew subra is idantal ku, kenè ku igkeeled heini su wazè din iyan iveg̵aya kayi te kebayàbayà dini te kediey su wey ku mezezeeti is kedtuu niw, kekenà, imbeg̵ey zin kediey su wey ku melig-eni is kedtuu niw.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

Gelasya 6:1

Menge suled, ke zuen duma niw he tumutuu he netuenan niw he nesupak din is Megbevayà, sikiyu is mid-ulinan te Wag̵as he Mulin-ulin, tevangi niw sikandin su wey zin kenà meengkezi is kedtumana zin te egkesuatan te Megbevayà. Asal, kinahanglan he utew kew mepelevayen is edtavang kandin. Mebpekevantey kew su kela ke mepenulayi kew zaan ni Setanas.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

2 Tiselunika 3:13

Ne sikiyu zaan, menge suled, kenè kew meevek te ked-ulaula te meupiya.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.

Tito 3:10

Ke zuen duma niw he edsemuken din is upakat te menge tumutuu, dewaya nu, ne emun kenà ebpemineg, umani nu zewaya. Ne emun kenè pa zutun ebpemineg engkezi nu sikandin.