2 Tiselunika 3:13 - Manobo Western Bukidnon

¹³ Ne sikiyu zaan, menge suled, kenè kew meevek te ked-ulaula te meupiya.

2 Tiselunika 3:13 Кръстосани препратки

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

1 Kurintu 15:28

Su emun egkesakup en keuzemà ni Kristu is langun, ne zutun ebpesakup daan si Kristu te Megbevayà he iyan kes mibeg̵ey kandin te keg̵ehem te kedhadì te langun. Ne zutun iyan edhadì te minsan hengkey is Megbevayà.

2 Kurintu 4:1

Nehizuwan key te Megbevayà ne midtezù key zin wey zey metuman is ebpeveelan din kenami mehitenged te kedsengyawa te veg̵u he paag̵i ne tenged dutun kenà egkeawà is gustu zey te kedtumana kayi.

2 Kurintu 4:16

Ne tenged kayi kenà egkeawà is pulus te kedhag̵ù dey. Kada andew ne ed-iseg is kebmeg̵urang wey kebmeg̵uyà te lawa zey. Ne minsan pa zutun kada andew zaan ne ibpeiseg te Megbevayà is kedlig-eni zin te kedtuu zey.

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

2 Tiselunika 3:15

iyan, kenè niw isipa he kuntada niw, kekenà, penurua niw he iring te suled niw.

Hibriyuhanen 12:3

Ne si Jesus, ne utew merasey is impeseg̵azan kandin tenged te kebpesipelahi kandin te menge lalung he etew. Tenged kayi isipa niw layun sikandin su wey kenà maawà is kedhamen niw te kedsarig niw, ne kenè kew edtepulen te ked-ulaula te meupiya.

Hibriyuhanen 12:5

Kela ke nelipatan niw en is sambag te Megbevayà diyà te keniyu te menge anak din su zuen insurat he Lalag te Megbevayà he edhenduen te, “Sikew, anak ku, emun edsewayen ku sikew, purungi nu susiya is menge ulaula nu. Ne emun ebmensuwen ku sikew kinahanglan he kenà heini igkeawà te kedhamen nu kedsarig kediey.

Impezayag 2:3

Netuenan ku he ed-antus kew te mereg̵en tenged te kedtuu niw kediey ne minsan pa zutun kenè niw ed-isipen he ed-engkezan niw is kedtumana niw te menge sug̵ù ku.