2 Tiselunika 3:10 - Manobo Western Bukidnon

¹⁰ Hein diyan key pa iyan penurù dey keniyu is: sikan is kenà edterebahu, kenà ipekaan.

2 Tiselunika 3:10 Кръстосани препратки

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Nengeulaula 20:18

Ne hein nekeuma zan, migkeg̵iyan din te, “Netuenan niw en he mibpurungan ku is menge ulaula ku kayi te keniyu puun pa zutun te nehuna he andew te kedseled ku kayi te prubinsya he Asya.

1 Tiselunika 3:4

Hein diyan key pa te keniyu migkeg̵iyan dey sikiyu he zuen timpu he egkeumahan kiw te kemeresayan, ne netuenan niw g̵untaan he netuman en.

1 Tiselunika 4:11

Ne kenà duen dà taman su iyan layun pen-ahaa niw is melinew he kebpekesavuk. Tegteg̵ami te uman sevaha is kandin dà he vaal. Medhag̵ù sikandin wey zin mekuwa is igkeuyag din. Daan heini he insug̵ù dey keniyu.

2 Tiselunika 2:5

Wazè niw pa vuwa melipati he migkag̵i ku en heini is langun hein diyan e pa te keniyu.