2 Tiselunika 3:1 - Manobo Western Bukidnon

¹ Ne g̵untaan, menge suled, iampù key keniyu wey meg̵aan mekeeneb ne mezawat diyà te minsan hendei is kebpesevuta zey te Lalag te Nengazen iring te kegkezewata niw kayi ziyan te keniyu.

2 Tiselunika 3:1 Кръстосани препратки

Mateo 9:38

Iampù niw ziyà te Nengazen he sug̵ua zin pa zini te kamet din is duma pa he ebpekelegtey.”

Lucas 10:2

Ne migkag̵i sikandin diyà te kandan te, “Mezakel pezem is edawat te Meupiya he Tudtulanen. Iring sikandan te kamet he nelutuan en. Utew meluag is kamet, iyan, deisey kiw zà is ebpemenlegtey. Iampù niw ziyà te Nengazen he sug̵ua zin pa ziyà te kamet din is duma pa he ebpekelegtey.

Nengeulaula 12:24

Iyan, mid-iseg is kedsengyawa te menge tumutuu te Lalag te Megbevayà, ne mibmezakel utew is menge tumutuu zutun.

Nengeulaula 19:20

Ne iring dutun he paag̵i mid-iseg wey nekeeneb is gehem te Lalag te Nengazen diyà te menge etew zutun he inged.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Ruma 15:30

Menge suled, tenged te mahal ziyà te g̵ehinawa niw is Nengazen tew he si Jesu Kristu wey tenged te kebpekedhihizuwè tew he ibeg̵ey kenitew te Wag̵as he Mulin-ulin, edhengyuan ku sikiyu he peniguduwi a keniyu iampù diyà te Megbevayà.

1 Kurintu 16:9

Su mezakel pa zini is egkesuat he ebpemineg te Lalag te Megbevayà ne zekelà is pulus te ked-ubpè ku kayi, asal, mezakel zaan dini is menge kuntada te Megbevayà.

2 Kurintu 1:11

Ne kinahanglan he edtevangan key zaan keniyu pinaag̵i te ked-ampù. Ne human egkehimu he mezakel is ebpeselamat te Megbevayà tenged te g̵ag̵ew zin kenami tenged te ked-ampù te mezakel he menge etew.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

Kulusas 4:3

Ne emun ed-ampù kew, iampù key zaan keniyu. Ampù kew he himuwa te Megbevayà is paag̵i wey key mekesangyew te in-eles dengan he lalag din mehitenged ki Kristu. Umba zini a g̵untaan te pirisuwan su insangyew ku heini is lalag.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.

1 Tiselunika 1:8

Ebpuun diyan nekeeneb is Lalag te Nengazen, kenà diyan dà te prubinsya he Mesidunya wey ziyà te prubinsya he Gerisya, kekenà, is menge etew ziyà te minsan hendei, nezineg dan is tudtul mehitenged te kedtuu niw te Megbevayà. Wazè en kinahanglan he ibpenudtul zey pa ziyà te menge etew is kedtuu niw.

1 Tiselunika 2:1

Menge suled, netuenan niw en he mibpulus is kedhendiyan dey te inged niw.

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

1 Tiselunika 5:25

Menge suled, iampù key zaan keniyu.

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.