2 Tiselunika 2:6 - Manobo Western Bukidnon

⁶ Netuenan niw ke hengkey is ed-eg̵en dutun te utew mesinupaken he etew su wey kenè pa sikandin mekepeg̵awag̵awa te kenè pa hustu he timpu.

2 Tiselunika 2:6 Кръстосани препратки

Ruma 1:18

Is Megbevayà diyà te langit, impeehè din en he utew zin igkepauk is langun he menge mezaat he ulaula te menge etew wey is kenè dan kedtahud kandin. Su pinaag̵i te kelelalung dan egkesanggen is kebpesevuta te tutuu he tuluuwen.

2 Tiselunika 2:3

Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu.

2 Tiselunika 2:7

Su is gehem dutun te utew mesinupaken, egemiten din en guntaan he meeles. Ne ebpekeeles-eles pa sikandin taman te kenè pa id-awà sikan is ed-eg̵en kandin.

2 Tiselunika 2:8

Ne zutun, human ebpeg̵awag̵awa sikan is utew mesinupaken he etew. Iyan, dutun te kebpekeuma ni Jesus edhimetayan sikandin ni Jesus pinaag̵i te mekeg̵eg̵ehem he anlag din; edhiyupen din dà ne segugunà ebpatey, ne egkeawà is gehem din.