2 Tiselunika 2:12 - Manobo Western Bukidnon

¹² Ne tenged dutun, edsilutan te Megbevayà is langun he kenà edtuu te tutuu he tuluuwen, su iyan igkesuat dan is mezaat he ulaula.

2 Tiselunika 2:12 Кръстосани препратки

Marcos 14:11

Ne hein netuenan dutun te menge punuan ke hengkey is inhendutun din, ne utew zan nengesuat. Ne mibpesarig sikandan he ebeg̵ayan dan si Hudas te selapì. Ne puun dutun mibpengahà si Hudas te paag̵i te ked-ekali zin ki Jesus.

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Ruma 1:32

Netuenan dan pezem he ke ed-ul-ulahan dan is menge iring kayi, edsilutan sikandan te kemetayen he wazè din pidtemanan, iyan ebpeniguduwan dan gihapun, ne kenà duen dà taman, su utew zan egkesuat emun egkeehè dan is ulaula te zuma he iring ded te kandan.

Ruma 12:9

Kinahanglan he kenà tarù is kegkeg̵eg̵awi ta te menge zuma ta. Kinahanglan he utew ta igkeepes is mezaat he ulaula. Edhemenan ta is meupiya he ulaula.

Ruma 2:8

Iyan, duen daan duma he menge etew he iyan dan ed-isipen is kandan he egkesuatan ne kenè dan edtuuwan is tutuu he tuluuwen, kekenà, iyan dan edtumanen is kenà hustu. Ne kenà deisek dà is pauk te Megbevayà he ibpeehè din kandan, kekenà, utew meveg̵at is idsilut din kandan.

1 Kurintu 13:6

Emun mahal ziyà te g̵ehinawa ta is menge zuma he etew kenà ibmeupiya te g̵ehinawa ta is mezaat he ulaula su iyan igkelipey ta is menge metazeng he ulaula.

1 Tiselunika 5:9

Su is Megbevayà, wazè din ivanglis kenitew is silut, kekenà, midluwas kiw zin pinaag̵i te Nengazen tew he si Jesu Kristu.

2 Tiselunika 2:10

Edterteruan din te minsan hengkey he kelelalung he paag̵i sikan is menge etew he kenà ebpekelikey te silut. Umba kenè dan ebpekelikey te silut su wazè dan medawat te tutuu he tuluuwen he iyan ebpekeveg̵ey kandan te untung he wazà pidtemanan.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.