2 Tiselunika 2:1 - Manobo Western Bukidnon

¹ Ne g̵untaan, menge suled, ibpesavut dey keniyu is kedlikù keuzemà te Nengazen tew he si Jesu Kristu wey is kedtulusa zin kenitew.

2 Tiselunika 2:1 Кръстосани препратки

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 16:28

Kenè niw heini lipati he zuen menge zuma tew kayi he kenà ebpatey taman te egkeehè e zan is Kakey te Menusiyà he ebpekeuma su edhadì.”

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

Mateo 25:32

Ebpekeetuvang kedì is tivuuk he menusiyà. Ne zutun edtepizen ku sikandan te zezuwa he vahin iring te kedtepiza te bekidu zuen te menge kambing wey menge kerehidu.

Marcos 13:27

Ne zutun edsug̵uen ku is menge velinsug̵uen ku pehendiyà te heepat he pesag̵ì kayi te kelibutan. Ne edtig̵umen dan is menge pinilì ku he etew he ebpuun te minsan hendei kayi te lumpad te kelibutan.

Ruma 12:1

Na, menge suled, tenged te utew zekelà he hizu kenitew te Megbevayà, edhengyuan ku sikiyu he ipeveyveyai niw kandin is lawa niw wey g̵ehinawa niw. Iyan heini ibpemuhat he kenà edhimetayan, ne kinahanglan he wazà igkesawey zuen su wey mesuati te Megbevayà. Ne iyan heini hustu he ked-ezapa niw kandin.

Ipisu 1:10

edhimuwen din heini zutun te hustu he timpu. Su mid-isip te Megbevayà he zutun edhimuwen din he sebsevaha zà si Kristu he ebayàbayà te minsan hengkey he linimbag diyà te langit wey zini te tanà.

1 Tiselunika 2:19

Umba egkesuatan ku he ed-uman a ebpenumbaley ziyan su tenged keniyu utew meheg̵et is kebperetenga zey te kedlikù ni Jesus su iyan kew igkelipey zey. Tenged keniyu kenè key egkeeled keuzemà, kekenà, igkezantal zey is kedtuu niw emun ed-etuvang kiw ki Jesus dutun te kedlikù din.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

2 Timoteo 4:1

Duen idtelaan ku kenikew, ne is Megbevayà wey si Jesu Kristu, iyan ebpeketistig̵us kayi te menge lalag ku. Netuenan ta he edlikù si Jesus su iyan sikandin hadì ne iyan sikandin edsusi keuzemà te nengeulaula te minsan hentei, se uuyag pa wey is nemematey en.