2 Tiselunika 1:3 - Manobo Western Bukidnon

³ Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

2 Tiselunika 1:3 Кръстосани препратки

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 17:5

Ne migkag̵i haazà is menge epustul diyà te ki Jesus te, “Heg̵eta nu is kedtuu zey.”

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Ruma 1:8

Iyan idhuna ku keniyu te ebpenudtul is: pinaag̵i ki Jesu Kristu ebpeselematan ku is Megbevayè tew tenged keniyu su nepenudtul ziyà te minsan hendei is kedtuu niw ki Jesu Kristu.

1 Kurintu 1:4

Layun dekelà is kebpeselemati ku te Megbevayà tenged te g̵ag̵ew zin keniyu pinaag̵i te kebpekidsevaha niw ki Jesu Kristu.

2 Kurintu 10:15

Kenè dey idantal is menge vaal te zuma he etew ziyà te menge inged he zutun wazè key sug̵ua te Megbevayà. Iyan, geina te neragkes kew kayi te mibpeveelan kenami te Megbevayà, egkesuatan dey he emun ed-iseg en is kedtuu niw ne edtevangan key keniyu zutun te menge vaal zey ziyan te inged niw.

Ipisu 5:20

Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

1 Tiselunika 3:12

Berekati te Nengazen he med-iseg is kebmahala niw ziyà te g̵ehinawa niw te uman sevaha keniyu wey is langun he etew, iring te utew mezesen is kebmahala zey keniyu.

1 Tiselunika 3:6

Ne iyan pa kebpekeuma ni Timoteo he ebpuun diyan te Tiselunika. Ne meupiya is tudtul zin he mezesen ded is kedtuu niw te Megbevayà wey ebmahalen niw zaan diyà te g̵ehinawa niw is menge zuma niw. Ne iyan daan tudtul zin is: utew meupiya is gehinawa niw kenami, ne ebulungen kew kenami iring te kebulunga zey zaan keniyu.

1 Tiselunika 3:9

Kenè pa hustu is kebpenigudu zey kebpeselamat te Megbevayà tenged keniyu, su utew zey sikiyu ingkelipey. Iyan ebpeketistig̵us kayi is Megbevayà.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

2 Tiselunika 2:1

Ne g̵untaan, menge suled, ibpesavut dey keniyu is kedlikù keuzemà te Nengazen tew he si Jesu Kristu wey is kedtulusa zin kenitew.

2 Tiselunika 2:13

Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

2 Pedro 1:13

Su taman te kemulu e pa zini te kelibutan meupiya ke igkepezineg ku keniyu heini su wey kenè niw melipati.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.