2 Tiselunika 1:11 - Manobo Western Bukidnon

¹¹ Tenged kayi layun dey sikiyu id-ampù. Ed-ampù key he himuwa te Megbevayà is menge ulaula niw he zait te kedtuu niw kandin. Ed-ampù key he pinaag̵i te g̵ehem din himuwa zin he tumana niw is minsan hengkey he meupiya he ulaula he iyan en tuyù niw tenged te midtuu kew kandin.

2 Tiselunika 1:11 Кръстосани препратки

Marcos 4:28

Su iyan idtuvù te pinemula haazà is tanà. Edtuvù haazà is pinemula ne edlepew is dahun din ne human edlepew is beg̵as din ne zutun human egkeayun te kegkelutui.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 11:29

Su kenà egkehalinhalin is ed-isipen te Megbevayà, kekenà, is ebpilien din he menge etew, ne iyan daan edtuvazan din te meupiya.

Ruma 15:14

Menge suled, netuenan ku en he layun meupiya is menge ulaula niw, ne netuenan ku zaan he nepurung niw en mesavut is Lalag te Megbevayà, ne egkehimu en he ebpekepenurù kew te zuma.

Ruma 8:30

Ne zutun, sikitew is langun he mibpilì din wey mehimu he menge anak din, impetuu kiw zin daan. Ne kenà duen dà taman, su mid-isip kiw zin daan he metazeng he iring te wazè kiw mekesalà. Ne impenaad din daan he zuen timpu keuzemà he edtulusen kiw zin.

1 Kurintu 1:8

Iyan sikandin edlig-en keniyu taman te ketepusan he timpu su wey wazà igkesewayi keniyu zutun te andew keuzemà te kedlikù din.

Ipisu 1:16

kenà egkeamin is kebpeselemati ku te Megbevayà tenged keniyu. Layun ku sikiyu id-ampù.

Ipisu 1:5

Ne tenged te utew zekelà is gag̵ew zin kenitew, dengan te wazè pa is kelibutan, mid-isip din he pinaag̵i ki Jesu Kristu edhimuwen kiw zin he menge anak din su iyan egkesuatan din wey tuyù din.

Ipisu 1:9

Ne impesavut din kenitew is daan he in-eles he edhimuwen din su iyan tuyù wey egkesuatan din. Ne mid-isip din he zaan he pinaag̵i ki Kristu

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

Pilipus 2:13

Su layun edtavang keniyu is Megbevayà wey niw mesuati ne wey niw mehimu is kedtumana te tuyù din diyan te keniyu.

Pilipus 3:14

Ebpenigudu e pa wey ku mekuwa is suhul te Megbevayà su iyan heini ketezengan ke maan is mid-umew kiw zin te ked-angken te untung he wazà pidtemanan pinaag̵i te kebpekidsevaha tew ki Jesu Kristu.

1 Tiselunika 1:3

Su emun ed-ampù key te Megbevayà he Amey tew kenè dey egkelipatan is kedtuu niw, wey is kebmahala niw, wey is kebperateng niw te Nengazen tew he si Jesu Kristu. Su egketuusan is kedtuu niw kandin pinaag̵i te ulaula niw, ne pinaag̵i te kedhag̵ù niw egketuusan daan is kebmahala niw kandin diyà te g̵ehinawa niw. Ne egketuusan daan is kebperateng niw kandin pinaag̵i te kebmeinentusen niw.

2 Tiselunika 1:5

Heini is kedsarig niw wey ked-antus niw, ne iyan tuus he metazeng is kukuman te Megbevayà su pinaag̵i te memerasey he egkeantus niw, ibpeehè din he zait kew he idragkes dutun te menge etew he edhedian din.

2 Tiselunika 2:14

Midhimu kew zin he menge tumutuu kandin pinaag̵i te kebpesevuta zey keniyu te Meupiya he Tudtulanen su wey kew mekeambit te utew kegkelavew te Nengazen tew he si Jesu Kristu.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

Impezayag 3:4

Deisey kew zà diyan te Sardis is wazà mevuringi is bisti zin, he ke và dà egkeg̵iya, wazà medtampu te mezaat he ulaula. Ne ebpekezuma kew kedì he edsun-uzan te meputì su zait kew he ebpekiduma kedì.

Impezayag 5:10

Midhimu nu he iyan dan edhedian nu; ne midhimu nu zaan he menge memumuhat sikandan he iyan kebpemuhat dan is ked-ezapa zan te Megbevayà tew. Ne ibpahadì nu sikandan diyà te kelibutan.”