2 Timoteo 4:2 - Manobo Western Bukidnon

² Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.

2 Timoteo 4:2 Кръстосани препратки

Lucas 7:23

Utew zeyzey is etew he kenà eduwazuwa he iyan a sikan is midsug̵ù te Megbevayà.”

Lucas 7:4

Ne mibeyaan dutun te menge ebmeg̵urangen si Jesus ne midhangyù dan kandin, ke sikandan te, “Engayan he tevangi nu sikandin

Lucas 9:60

Ne midtavak si Jesus dutun te etew te, “Iyan nu ipeleveng te menge minatey sikan is wazà mekezawat te untung he wazà pidtemanan su iyan ku ibpeveelan kenikew is kebpenudtul te Meupiya he Tudtulanen te kedhedii te Megbevayà te menge etew.”

Nengeulaula 13:5

Ne hein nekezunggù dan diyà te inged he Selemina, impesavut dan dutun is Lalag te Megbevayà diyà te menge simbahan te menge Hudiyu. Iyan duma zan he edtavang kandan si Juan, kes ed-umawen ki Marcos.

Nengeulaula 16:13

Ne zutun te Sebadu he iyan Andew te Kedhimeley, mid-awè key ziyà te inged ne midhendiyè key te veyvey te wahig su ed-ahaan dey ke zuen be zutun edtig̵uman te menge Hudiyu he ed-empuan dan te Megbevayà. Ne zuen menge vahi he nengetig̵um dutun, ne mibpinuu key ne mibpekidlalag key kandan.

Nengeulaula 20:7

Ne hein midsanlep en is andew zutun te andew he Sebadu midtig̵um key su wey zey metuman kes Wag̵as he Idlavung. Ne si Pablo, midweliyan din is menge etew ne taman te metaneb en is kezukileman te kedwali zin su zutun te egkepawà egenat sikandin.

Nengeulaula 28:16

Ne hein diyè key en te Ruma wazà si Pablo iseled te pirisuwan, kekenà, impeveyàbayà sikandin ke hendei ed-ubpà, asal zuen sundaru he ebantey kandin.

Ruma 10:15

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Ruma 12:12

Kinahanglan he layun kiw edlipey su zuen utew meupiya he egkezawat tew keuzemà. Ed-entusen tew is menge kemereg̵enan ne layun kiw ed-ampù diyà te Megbevayà.

Gelasya 6:6

Ne sikan is etew he ebpepenurù te Lalag te Megbevayà, kinahanglan he veg̵ayi zin is ebpenurù kandin te menge meupiya he nezawat din.

Kulusas 1:25

Nehimu a he sulug̵uen wey a meketavang te menge tumutuu. Ne umba mibpilì a te Megbevayà su wey ku sikiyu metevangi is menge etew he kenà Hudiyu ne wey ku ikepurung ikepenudtul is Lalag te Megbevayà.

Kulusas 4:3

Ne emun ed-ampù kew, iampù key zaan keniyu. Ampù kew he himuwa te Megbevayà is paag̵i wey key mekesangyew te in-eles dengan he lalag din mehitenged ki Kristu. Umba zini a g̵untaan te pirisuwan su insangyew ku heini is lalag.

1 Tiselunika 1:6

Ne sikiyu zaan, mid-iringan niw is mid-ulaula zey wey is mid-ulaula zengan te Nengazen tew he si Jesus su midawat niw is Lalag te Megbevayà minsan nekeag̵i kew te kemeresayan tenged te kedawat niw. Ne minsan pa te nerasey kew, nelipey kew zed tenged te ked-ulini keniyu te Wag̵as he Mulin-ulin.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

1 Tiselunika 5:20

Kenè niw pesegdana is menge lalag te mid-ulinan,

1 Timoteo 4:13

Taman te kenè e pa ebpekeuma ziyan, iyan beeli nu is: besaha nu is Lalag te Megbevayà diyà te menge etew. Sembag̵i nu wey penurua nu sikandan.

1 Timoteo 5:20

Is ebmeg̵urangen he layun ebpekesalà, sewaya nu ziyà te etuvangan te menge tumutuu su wey mahandek is menge zuma he ebmeg̵urangen.

2 Timoteo 2:21

Ne sikan is etew he egkesuat he mahala wey meteg̵eley te Megbevayà he iring te utew mahal he g̵elemiten, kinahanglan he ed-iniyug̵an din is langun he mezaat he ulaula. Ne human sikandin dait he egemiten te Megbevayà te minsan hengkey he meupiya he ulaula.

2 Timoteo 2:25

Emun menayù is kebpenurua zin te menge kuntada zin, kela ke mahalin te Megbevayà is gehinawa zan wey zan mesavut is tutuu he tuluuwen.

2 Timoteo 3:10

Ne sikew mulà, Timoteo, nepurung nu en metueni is langun he impenurù ku, is menge vetasan ku wey is egkesuatan ku he meulaula ku. Netuenan nu zaan is kedtuu ku te Megbevayà, is kebmepelevayen ku, is kebmahala ku te minsan hentei, wey is ked-antus ku te kemereg̵enan.

Tito 1:13

Ne utew venar is migkag̵i zin. Tenged dutun kinahanglan he pekezeseni nu sikandan te edawey wey mehustu is kedtuu zan

Tito 2:15

Ne heini is langun he migkag̵i ku, ipenurù nu ziyà te menge etew ziyan. Gemita nu is keg̵ehem nu te kebayàbayà kandan. Sembag̵i nu wey dewaya nu sikandan. Kinahanglan he kenè ka lulupig̵an te minsan hentei.

Hibriyuhanen 13:22

Menge suled, edhengyuan ku sikiyu he entusa niw is kebpemineg kayi te langun he menge lalag ku keniyu su kenà utew melug̵ayad heini is insurat ku.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.