2 Timoteo 4:16 - Manobo Western Bukidnon

¹⁶ Dutun te nehuna he ked-imbistiga kedì wazà minsan hentei he midtavang mebpenistig̵us kediey su mid-ewaan a zuen te langun. Id-ampù ku he mepesaylu sikandan te Megbevayà.

2 Timoteo 4:16 Кръстосани препратки

Marcos 14:50

Ne zutun mid-ewaan sikandin te menge sumusundan din su mibpemelag̵uy zan.

Lucas 12:11

Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Juan 16:32

Egkesipeg̵an en is timpu he zutun ebpekedsusuwey kew is langun; ed-ulì is kada sevaha keniyu ziyà te ed-ubpaan din ne egkeewaan a. Ne minsan pa zutun duen ku pa zuma su iyan duma ku is Amey ku he Megbevayà.

Nengeulaula 22:1

Ke sikandin te, “Menge suled wey menge g̵inikanan, pemineg̵a niw is ibpesavut ku keniyu he menge ketezengan ku.”

Nengeulaula 25:16

Ne migkag̵i ku kandan he sikami is menge Rumanu, kenè dey igkepalad is etew he insumbung ke wazè pa sikandin mekeetuvang te menge midsumbung kandin su wey sikandin mekepengetezengan.

Nengeulaula 7:60

Ne zutun nekeluhud ne mid-uman megkag̵i te, “He Nengazen, kenè nu isipa he idsilut kandan heini is salè dan.” Ne te nekag̵i zin haazà, naawà is gehinawa zin.

1 Kurintu 13:5

kenà mahawag is menge ulaula ta, kenè ta idteg̵el is kenita he egkesuatan, ne kenè ki melemu egkepauk, kekenà, utew ki melemu he ebpekepesaylu te nekesalà kenita.

1 Kurintu 9:3

Ne is menge etew he egkesuat he edsusi te menge ulaula ku iyan tavak ku kandan is:

2 Kurintu 7:11

Iyan, sikiyu, susiya niw is meupiya he nehimu te Megbevayà pinaag̵i te kegkeseeng niw. Su pinaag̵i kayi mid-iseg en is kebpurungi niw te ulaula niw. Dekelà diyà te g̵ehinawa niw he metueni te menge etew he wazè dey igkesawey te menge ulaula niw. Utew niw ingkeepes haazà is mid-ulaula zuen te nekesalà. Utew niw ingkehandek haazà su kela ke mekeragkes kew ke edsilutan sikandin te Megbevayà. Ne utew kew zaan mibulung kediey, ne mid-iseg is kedtumana niw te menge sug̵ù ku keniyu. Ne kenà dutun dà taman su segugunè niw midsiluti sikan is etew he mid-ulaula te mezaat. Ne ingkepeehè niw he wazà keniyu he salà dutun te neulaula zin.

Pilipus 1:17

Iyan, is menge zuma, kenà meupiya is tuyù dan te kebentug̵a zan ki Kristu. Egkesuatan dan he melevawi e zan ne kunaan dan ke pinaag̵i kayi egkeumanan is menge samuk ku zini te pirisuwan.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

2 Timoteo 1:15

Netuenan nu en he is langun he menge tumutuu zini he ebpuun te prubinsya he Asya, wazè e zan tevangi. Elin dutun si Pihilu wey si Hirmuhinis.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

2 Timoteo 4:15

Endami nu sikandin su utew mezesen is kedsumpelita zin te tuluuwen he ibpenurù ta.

1 Pedro 3:15

Layun niw isipa he iyan egalen niw si Kristu. Layun niw endama is tavak ke zuen ed-insà keniyu ke maan is ebpekesarig kew te Megbevayà.