2 Timoteo 4:12 - Manobo Western Bukidnon

¹² Midsug̵ù ku si Tikiku ziyà te inged he Ipisu.

2 Timoteo 4:12 Кръстосани препратки

Nengeulaula 18:19

Nekeuma zan diyà te inged he Ipisu ne mid-ewaan ni Pablo si Ekilu wey si Priscila. Midhendiyà sikandin te simbahan te menge Hudiyu ne mibpekibpezeyag̵à sikandin te menge ketezengan.

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 19:1

Dutun te kemulu pa si Epulus diyà te Kurintu, diyà si Pablo mebayà te menge inged he zizaya te Ipisu ne midhendiyè en maan te Ipisu. Ne neuma zin dutun is menge sumusundan daan ni Jesus.

Nengeulaula 20:25

Midtukid ku sikiyu weliyi te kedhadì te Megbevayà Ne g̵untaan netuenan ku en he kenà ad maan keniyu egkeahà.

Nengeulaula 20:4

Ne zuen tigBiriya, si Supatir he anak ni Piru he nekezuma kandin. Elin daan miduma si Eristarku wey si Sigundu he menge tigTiselunika, si Gayu he tigDirbi, wey si Timoteo, si Tikiku wey si Trupimu he menge tig-Asya.

Ipisu 6:21

Si Tikiku is minahal tew he suled wey metinumanen he sulug̵uen te Nengazen tew, iyan ebpeketudtul keniyu mehitenged te kebpekesavuk ku wey ke hengkey is egkeulaula ku kayi.

Ipisu 6:22

Umba edsug̵uen ku sikandin diyan su wey niw metueni ke hengkey is kebpekesavuk dey zini su wey meheg̵et is kebpekesarig niw te Megbevayà.

Kulusas 4:7

Is langun he nengehitavù kedì dini, ne egketuenan niw ziyà te ki Tikiku te sevaha he suled tew he utew minahal. Duma zey sikandin he sulug̵uen te Nengazen he utew metinumanen te ebpeveelan kandin te Megbevayà.

1 Timoteo 1:3

Ed-umanan ku egkeg̵iya kenikew is sambag ku hein mid-awà a ziyan pehendiyà te Mesidunya. Iyan is: kenè ka med-awà diyan te Ipisu. Iyan idsembag̵i ku kenikew su zuen menge etew ziyan he kinahanglan he zewaya nu. Dewaya nu he med-engked dan te kebpenurù te menge sayep he tuluuwen

Tito 3:12

Emun ebpeveyaan ku sikew ki Ertimas ne emun kenà, si Tikiku, gaanggaan ka telavuk kediey ziyà te Nikupulis su ziyà a ed-ubpà ke egkeuma is tipenguzan.